റിയാദ്: സൗദി അറേബ്യയിൽ കോവിഡ് മൂലമുള്ള പ്രതിദിന മരണനിരക്കും ഉയരുന്നു. നാല് മരണമാണ് രാജ്യത്ത് വിവിധ ഭാഗങ്ങളിലായി റിപ്പോർട്ട് ചെയ്തത്. കഴിഞ്ഞ 24 മണിക്കൂറിനിടയിൽ 642 പേർക്ക് പുതുതായി രോഗബാധ സ്ഥിരീകരിച്ചു. നിലവിലെ രോഗബാധിതരിൽ 145 പേർ സുഖം പ്രാപിച്ചു. രാജ്യത്ത് ഇതുവരെ റിപ്പോർട്ട് ചെയ്ത ആകെ കേസുകളുടെ എണ്ണം 757,191 ആയി. ആകെ രോഗമുക്തരുടെ എണ്ണം 742,927 ആയി ഉയർന്നു.

ആകെ മരണസംഖ്യ 9,108 ആയി തുടരുന്നു. രോഗബാധിതരിൽ 5,156 പേരാണ് ചികിത്സയിൽ കഴിയുന്നത്. ഇതിൽ 60 പേരുടെ നില ഗുരുതരം. ഇവർ രാജ്യത്തെ വിവിധ ആശുപത്രികളിൽ തീവ്രപരിചരണ വിഭാഗത്തിലാണ്. ബാക്കിയുള്ളവരുടെ നില തൃപ്തികരമാണ്. 24 മണിക്കൂറിനിടെ 22,893 ആർ.ടി-പി.സി.ആർ പരിശോധനകൾ നടത്തി.

ജിദ്ദ 189, റിയാദ് 127, മക്ക 72, മദീന 56, ദമ്മാം 31, ത്വാഇഫ് 23, ജീസാൻ 15, അബഹ 9, അൽബാഹ 8, ബുറൈദ 5, ഹുഫൂഫ് 5, യാംബു 5, അൽഖർജ് 5, തബൂക്ക് 4, സബ്യ 4, നജ്റാൻ 3, ഖോബാർ 3, അബൂ അരീഷ് 3, ദവാദ്മി 3, അൽറസ് 3, ദഹ്റാൻ 3, ബൽജുറൈഷി 3, അൽലെയ്ത് 3, ഖുലൈസ് 2, അറാർ 2, ഹാഇൽ 2, ഖമീസ് മുശൈത്ത് 2, ബെയ്ഷ് 2, ഉനൈസ 2, ജുബൈൽ 2, ഖത്വീഫ് 2, ബീഷ 2, അൽഖരീഹ് 2, മറ്റ് വിവിധയിടങ്ങളിൽ ഒന്ന് വീതം എന്നിങ്ങനെയാണ് രാജ്യത്തെ വിവിധ ഭാഗങ്ങളിൽ പുതിയ കോവിഡ് കേസുകൾ റിപ്പോർട്ട് ചെയ്തത്. രാജ്യത്ത് ഇതുവരെ 64,715,976 ഡോസ് വാക്സിൻ കുത്തിവെച്ചു. ഇതിൽ 26,477,287 ആദ്യ ഡോസും 24,824,183 രണ്ടാം ഡോസും 13,414,506 ബൂസ്റ്റർ ഡോസുമാണ്.

 

ന്യൂസ് ഡെസ്‌ക്‌

    ന്യൂസ് ഡെസ്‌ക്‌