വെങ്കയ്യ നായിഡു യുഎഇയിലേക്ക്; ഷെയഖ് ഖലീഫയുടെ നിര്യാണത്തിൽ അനുശോചനം അറിയിക്കും

ന്യൂഡൽഹി: യുഎഇ ഭരണാധികാരിയുടെ മരണത്തിൽ അനുശോചനം നേരിട്ട് അറിയിക്കാൻ ഉപരാഷ്ട്രപതി വെങ്കയ്യ നായിഡു യുഎഇയിലേക്ക് . കേന്ദ്ര സർക്കാരിന്റെ പ്രതിനിധിയായി ഞായറാഴ്ച അദ്ദേഹം യുഎഇയിൽ എത്തും. പ്രധാനമന്ത്രി നരേന്ദ്ര മോദി, രാഷ്ട്രപതി രാംനാഥ് കോവിന്ദ് എന്നിവർ യുഎഇ ഭരണാധികാരിയുടെ മരണത്തിൽ അനുശോചനം അറിയിച്ചിരുന്നു.

വിദേശകാര്യമന്ത്രി എസ് ജയശങ്കർ ഡൽഹിയിലെ യുഎഇ എംബസിയിലെത്തിയാണ് അനുശോചനം അറിയിച്ചത്. ഇന്നലെയാണ് ഷെയ്ഖ് ഖലീഫ ബിൻ സായിദ് അൽ നഹ്യാന് അന്തരിച്ചത്. മൃതദേഹം ഖബറടക്കി. അബുദാബിയിലെ അൽ ബത്തീൻ ഖബർസ്ഥാനിൽ യുഎഇ ഭരണാധികാരികളുടെയും കുടുംബത്തിന്റെയും സാന്നിധ്യത്തിലായിരുന്നു ഖബറടക്കം.