കുവൈറ്റ് സിറ്റി:മബ്‌റൂക് കുവൈറ്റ് കലാസാംസ്‌കാരിക സംഘടന അണിയിച്ചൊരുക്കിയ മബ്‌റൂക് മധുര മഹോത്സവം 2022 അബ്ബാസിയ ഇംപിരിയിൽ ഹാളിൽ വെച്ച് നടത്തുകയുണ്ടായി. പരിപാടിയുടെ ഉദ്ഘാടനം ഔപചാരികമായി പ്രവാസി ലീഗൽ സെൽ കുവൈറ്റ് കൺട്രി ഹെഡ് ബാബു ഫ്രാൻസീസ് നിർവഹിച്ചു - വിശിഷ്ട അതിഥികളായി അഷ്‌റഫ് കാളത്തോട്,വിനോദ് പെരേരാ , ശ്രീകുമാർ പിള്ള എന്നിവരും പരിപാടിയിൽ ആശംസകൾ നേർന്നു. ജനറൽ സെക്രട്ടറി എം. എ.സത്താർ പള്ളി പുരയുടെ സ്വാഗത പ്രസംഗത്തോടെ കൂടി ആരംഭിച്ച പൊതുയോഗത്തിൽ രക്ഷാധികാരി ശ്രീമതി ശ്യാമ യോഹന്നാൻ അധ്യക്ഷത വഹിച്ചു.
പ്രസിഡണ്ട് പ്രതീഷ് സംഘടനാ പ്രവർത്തനങ്ങൾ വിശദീകരിച്ചു. വൈസ് പ്രസിഡണ്ട് -ആരിഫ ബീവിയും പരിപാടിയിൽ പങ്കെടുത്തവർക്ക് ആശംസകൾ നേർന്നു. ട്രഷറർ സുബീന സത്താർ പള്ളി പുര നന്ദി രേഖപ്പെടുത്തി. എക്‌സിക്യൂട്ടീവ് അംഗങ്ങളായ അജിത് നായർ [പ്രോഗ്രാം കോഡിനേറ്റർ ], ഷാൻ കല്ലറ ജോയിന്റെ് സെക്രട്ടറി, അസൈനാർ കൂട്ടായി - പി ആർ ഒ ,സീനത്ത് - ജോയിന്റെ് ട്രഷറർ, ബിന്ദു - പി ആർ ഒ എക്‌സിക്യൂട്ടീവ് അൻവർ ബാവ കൂട്ടായി കലാ എന്നിവരും പങ്കെടുത്തു.
വിവിധയിനം കലാപരിപാടികളായ ഗാനവും നൃത്തവും, ഭരതനാട്യം ,കോമഡി ഷോയുടെയും സാന്നിധ്യം പരിപാടിക്ക് വർണ്ണപ്പകിട്ടേകി.കുവൈത്ത് ഇശൽ ഗ്രൂപ്പ് ഒരുക്കിയ ഗാനമേളയും അരങ്ങേറി. കോഡിനേറ്റർ അജിത് നായരും, അവതാരകൻ ശ്രീ പ്രേംരാജും പരിപാടികൾ ഏകോപിച്ചു.
