ഹായിൽ: തിരുവനന്തപുരം ചെറിയതുറ സ്വദേശിയും ഹായിലിലെ ഖുബൂസ് കമ്പനി ജീവനക്കാരനുമായ വിനോജ് ഗിൽബെർട്ട് ജോൺ(42) വാഹനാപകടത്തിൽ മരണപ്പെട്ടു.ഹായിൽ റോദ റോഡിൽ വെച്ച് വനോജ് ഓടിച്ചിരുന്ന വാഹനം രാത്രിയിൽ ഒട്ടകവുമായി കൂട്ടിയിടിച്ചായിരുന്നു അപകടം.

ഇന്ത്യൻ സോഷ്യൽ ഫോറം റിയാദ്, കേരള സ്റ്റേറ്റ് വെൽഫെയർ കോർഡിനേറ്റർ അസീസ് പയ്യന്നൂരിന്റെ നേതൃത്വത്തിൽ സോഷ്യൽ ഫോറം ഹായിൽ ബ്ലോക്ക് പ്രസിഡന്റ് അബ്ദുൽ റൗഫ് ഇരിട്ടി, ഹായിലിലെ സാമൂഹ്യ പ്രവർത്തകനായ ചാൻസ് റഹ്‌മാൻ എന്നിവർ മൃതദേഹം നാട്ടിലേക്ക് അയക്കാനുള്ള നടപടി ക്രമങ്ങളുമായി മുന്നോട്ട് പോകുന്നു. ഭാര്യ ഫെബി വിനോജ്, മകൾ സോജ് മേരി വിനോജ് (7).