ഖത്തറിൽ ഇന്നു മുതൽ മാസ്‌ക് ഉൾപ്പെടെ വ്യവസ്ഥകളിൽ പുതിയ ഇളവുകൾ പ്രാബല്യത്തിലാകും. കോവിഡിന്റെ നിയന്ത്രണങ്ങളിൽ നിന്ന് ജനജീവിതം കൂടുതൽ സ്വതന്ത്രമാക്കി കൊണ്ടുള്ളതാണ് പുതിയ ഇളവുകൾ.ഇന്നു മുതൽ അടഞ്ഞ പൊതുസ്ഥലങ്ങളിൽ പ്രവേശനത്തിന് കോവിഡ് വാക്‌സിനേഷൻ അല്ലെങ്കിൽ ഇമ്യൂൺ സ്റ്റാറ്റസ് ആവശ്യമില്ല.

മൊബൈൽ ഫോണിൽ ഇഹ്‌തെറാസിൽ ഗ്രീൻ ഹെൽത്ത് സ്റ്റാറ്റസ് മാത്രം മതിയാകും. വാക്‌സിനെടുക്കാത്തവർക്ക് പൊതുകേന്ദ്രങ്ങളിൽ പ്രവേശനത്തിന് റാപ്പിഡ് ആന്റിജൻ പരിശോധനയും ആവശ്യമില്ല.

അടച്ചിട്ടതും തുറന്നതുമായ പൊതുസ്ഥലങ്ങളിൽ മാസ്‌ക് നിർബന്ധമില്ല.
ആശുപത്രികൾക്കുള്ളിൽ ജീവനക്കാരും സന്ദർശകരും മാസ്‌ക് ധരിക്കണം.