കോഴിക്കോട്: കുട്ടികളിലെ പ്രമേഹവും പോഷകാഹാരവും എന്ന വിഷയത്തിന് എൻ സി ഡി സി സെമിനാർ സംഘടിപ്പിക്കുന്നു. ദേശീയ ശിശു ക്ഷേമ സംഘടനയായ നാഷണൽ ചൈൽഡ് ഡെവലപ്പ്‌മെന്റ് കൗൺസിലിന്റെ നൈറ്റിഗേൽ സർക്കിളാണ് സെമിനാറിനു നേതൃത്വം നൽകുന്നത്. ഡോ : ഷീജ ശ്രീനിവാസ് (മെഡിക്കൽ ഓഫീസർ, കേരള ഗവണ്മെന്റ് ഹെൽത്ത് സർവീസ് കൺസൾടന്റ് ) ആണ് ക്ലാസുകൾ കൈകാര്യം ചെയ്യുന്നത്. തൽപരരായ എല്ലാവർക്കും ഈ സെമിനാറിൽ പങ്കെടുക്കാം.

പോഷകാഹാരത്തെ പറ്റിയും ആരോഗ്യത്തെപ്പറ്റിയും വ്യാകുലപ്പെടുന്നവരാണ് നമ്മളിൽ പലരും അതുകൊണ്ട് തന്നെ ഈ സെമിനാർ ഇന്നത്തെ തലമുറക്ക് ഉപകാരപ്രദമാകുമെന്ന് സംഘാടകർ കരുതുന്നു. മെയ് 21ന് ഉച്ചക്ക് 3 മണി മുതൽ 4.30 വരെയാണ് സെമിനാർ. സൂംമീറ്റിൽ തത്സമയ സെമിനാറാണ് നടക്കുക. വനിതകളുടെ ഉന്നമനത്തിനായി പ്രവൃത്തിക്കുന്ന ഈ സംഘടന വിവിധ തരത്തിലുള്ള സെമിനാറുകളും മത്സരപരിപാടികളും സംഘടിപ്പിക്കാറുണ്ട്. പങ്കെടുക്കാനായി ആഗ്രഹിക്കുന്നവർ ബന്ധപ്പെടേണ്ട നമ്പർ +919995014607(സംഘാടക ). വെബ്‌സൈറ്റ് www.ncdconline.org.