യുഎഇയിൽ ഫുട്ബോൾ കളിക്കിടെ പ്രവാസി മലയാളി യുവാവ് കുഴഞ്ഞുവീണ് മരിച്ചു

അബുദാബി: യുഎഇയിൽ ഫുട്ബോൾ കളിക്കുന്നതിനിടെ മലയാളി യുവാവ് കുഴഞ്ഞുവീണ് മരിച്ചു. കാസർകോട് അച്ചാംതുരുത്തി സ്വദേശിയായ പടിഞ്ഞാറെമാടിൽ എ കെ രാജുവിന്റെയും ടി വി പ്രിയയുടെയും മകൻ അനന്തുരാജ് (ഉണ്ണി-24)ആണ് മരിച്ചത്.

അബുദാബി ഫ്യൂച്ചർ പൈപ്പ് ഇൻഡസ്ട്രിയൽ കമ്പനിയിലെ മിഷ്യൻ ഓപ്പറേറ്ററായിരുന്നു. കബഡി താരമായിരുന്നു. മൃതദേഹം ഇന്ന് രാവിലെ നാട്ടിലെത്തിച്ചു. സംസ്‌കാരം കോട്ടപ്പുറം സമുദായ ശ്മശാനത്തിൽ. സഹോദരി: ആതിര രാജു