മനാമ :കോഴിക്കോട് മെഡിക്കൽ കോളേജ് കേന്ദ്രമായി പ്രവർത്തിക്കുന്ന ജീവകാരുണ്യ സഹായ സംഘമായ മെഹബൂബ് മില്ലത്ത് ചാരിറ്റബിൾ ട്രസ്റ്റിനു (എംഎംസിടിക്ക് )3 ലക്ഷം രൂപയുടെ സഹായം കൈമാറി
ഐഎംസിസി ജിസിസി കമ്മറ്റിയുടെ നേതൃത്വത്തിൽ ഇക്കഴിഞ്ഞ റമദാനിൽ വിവിധ ഗൾഫ് രാജ്യങ്ങളിലെ യൂണിറ്റുകളുടെ ആദ്യ ഗഡുവായി സമാഹരിച്ച മൂന്ന് ലക്ഷം രൂപ മെഹബൂബെമില്ലത്ത് ചാരിറ്റബിൾ ട്രസ്റ്റ് ഭാരവാഹികൾക്ക് കൈമാറി. 20/5/2022ന് വടകരയിൽ വെച്ച് നടന്ന ചടങ്ങിൽ വെച്ച് ഐഎംസിസി ജിസിസി കമ്മറ്റി വൈസ് ചെയർമാൻ ഷരീഫ് താമരശ്ശേരി, ഐഎംസിസി ജിസിസി കേരള കോർഡിനേറ്റർ റഫീഖ് അഴിയൂർ എന്നിവരിൽനിന്ന് എംഎംസിടി ചെയർമാൻ ബഷീർ ബഡേരി, ട്രഷറർ ഒപി സലീം എന്നിവർ ചെക്ക് ഏറ്റുവാങ്ങി. ഐഎംസിസി പ്രതിനിധികളായി അബ്ദുൽ സലാം നാലകത്ത്, നിസാർ എലത്തൂർ, സബീർ സിടികെ എന്നിവരും പങ്കെടുത്തു .
ഐഎൻഎൽ സംസ്ഥാന ജനറൽ സെക്രട്ടറി സിപി നാസർ കോയ തങ്ങൾ, ഓർഗനൈസിങ് സെക്രട്ടറി എൻകെ അബ്ദുൽ അസീസ്, വടകര നഗരസഭ വൈസ് ചെയർപേഴ്‌സൺ കെകെ വനജ, ഐഎൻഎൽ നേതാക്കളായ എംഎം മൗലവി, കെപി മൂസ ഹാജി, എകെ ലത്തീഫ്, മുസ്തഫ പാലക്കൽ തുടങ്ങിയവർ സന്നിഹിതരായി.കോഴിക്കോട് മെഡിക്കൽ കോളേജ് ആസ്ഥാനമായി പാവപ്പെട്ട രോഗികൾക്ക് ഭക്ഷണം , സൗജന്യ മരുന്ന് വിതരണം, വളണ്ടിയർ സേവനം , മെഡിക്കൽ ഉപകാരണങ്ങളുടെ വിതരണം, ആംബുലൻസ് സേവനം എന്നിവ കഴിഞ്ഞ പതിനാല് വർഷമായി നടത്തി വരുന്ന സഹായ സംഘമാണ് എം എം സി ടി.
