വേനൽക്കാലത്ത് രാജ്യത്തെ പ്രവേശന നിയന്ത്രണങ്ങളിൽ ഇളവ് വരുത്താൻ ജർമ്മനി തീരുമാനിച്ചു. ഇതോടെജൂൺ 1 മുതലും തുടർന്നുള്ള മൂന്ന് മാസങ്ങളിലും, ജർമ്മനിയിൽ പ്രവേശിക്കുന്ന ആളുകൾക്ക് വാക്സിനേഷന്റെ തെളിവോ നെഗറ്റീവായ പരിശോധനാ ഫലമോ COVID-19-ൽ നിന്ന് അടുത്തിടെ സുഖം പ്രാപിച്ചതായി കാണിക്കുകയോ ചെയ്യേണ്ടതില്ല. ഇളവുകൾ ഓഗസ്റ്റ് അവസാനം വരെ തുടരും.
നിലവിൽ 12 വയസ്സിന് മുകളിലുള്ള ആർക്കും ജർമ്മനിയിൽ പ്രവേശിക്കുന്നതിന് 3G റൂൾ എന്നറിയപ്പെടുന്ന അത്തരം തെളിവുകൾ ആവശ്യമാണ്.ഓഗസ്റ്റ് അവസാനം വരെ, പ്രവേശനത്തിനുള്ള 3G നിയമം ഞങ്ങൾ താൽക്കാലികമായി നിർത്തുമെന്നാണ് സർക്കാർ അറിയിച്ചിരിക്കുന്നത്.
'വൈറസ്-വേരിയന്റ്' മേഖലകളിൽ നിന്ന് പ്രവേശിക്കുന്ന ആളുകൾക്ക് കർശനമായ നിയമങ്ങൾ പ്രാബല്യത്തിൽ തുടരും. എന്നിരുന്നാലും, മാർച്ച് ആദ്യം മുതൽ ജർമ്മനിയുടെ 'ഉയർന്ന അപകടസാധ്യതയുള്ള' പട്ടികയിൽ രാജ്യങ്ങളൊന്നും ഉണ്ടായിരുന്നില്ല.കേസുകളുടെ എണ്ണം ക്രമാതീതമായി കുറയുന്നുണ്ടെങ്കിലും, ആരോഗ്യ പ്രവർത്തകർക്ക് വാക്‌സിനേഷൻ നിർബന്ധമാക്കുന്ന നിയമങ്ങൾ ജർമ്മനിയുടെ ഭരണഘടനാ കോടതി കഴിഞ്ഞ ആഴ്ച അംഗീകരിച്ചു.
ഈ മാസം ആദ്യം, പുതിയ യൂറോപ്യൻ യൂണിയൻ മാർഗ്ഗനിർദ്ദേശങ്ങൾ ഉണ്ടായിരുന്നിട്ടും രാജ്യത്തേക്ക് വരുന്ന ഫ്‌ളൈറ്റുകളുടെ മാസ്‌ക് നിർബന്ധം എടുത്തുകളയാൻ പദ്ധതിയില്ലെന്ന് ജർമ്മനി അറിയി്ച്ചിരുന്നു.
