ദോഹ. ഖത്തർ ബിസിനസ് കാർഡ് ഡയറക്ടറിക്ക് ബിസിനസ് കേരള എക്സലൻസ് അവാർഡ് .ഏറ്റവും നൂതനമായ മാർക്കറ്റിങ് ടൂൾ എന്ന അടിസ്ഥാനത്തിലാണ് ഖത്തർ ബിസിനസ് കാർഡ് ഡയറക്ടറിയെ അവാർഡിന് പരിഗണിച്ചത്. ലോകത്തിലെ ഏറ്റവും വലിയ ബിസിനസ് കാർഡ് ഡയറക്ടറിക്കുള്ള യൂണിവേർസൽ റിക്കോർഡ് ഫോറം അവാർഡ് നേടിയ ഖത്തർ ബിസിനസ് കാർഡ് ഡയറക്ടറി ഉപഭോക്താക്കളേയും സംരംഭകരേയും നേരിട്ട് ബന്ധപ്പെടുത്തുകയും മികച്ച ബിസിനസിന് അവസരമൊരുക്കുകയും ചെയ്യുന്ന നൂതന സംരംഭമാണ്. കഴിഞ്ഞ 15 വർഷമായി ഖത്തറിൽ നിന്നും പ്രസിദ്ധീകരിക്കുന്ന ഡയറക്ടറി ഇന്തോ ഗൾഫ് ബിസിനസ് പ്രോൽസാഹിപ്പിക്കുന്ന സംരംഭം എന്ന നിലക്കും ശ്രദ്ധേയമാണ് .

കോഴിക്കോട് ട്രേഡ് സെന്ററിൽ നടക്കുന്ന ബിസിനസ് കേരള ട്രേഡ് എക്സ്പോ ഉദ്ഘാടന വേദിയിൽ വെച്ച് പ്രമുഖ സിനിമ നടൻ അബൂ സലീമിൽ നിന്നും മീഡിയ പ്ളസ് സിഇഒ യും ഖത്തർ ബിസിനസ് കാർഡ് ഡയറക്ടറി ചീഫ് എഡിറ്ററുമായ ഡോ.അമാനുല്ല വടക്കാങ്ങര ഏറ്റുവാങ്ങി .

നെല്ലറ ഗ്രൂപ്പ് ചെയർമാൻ ശംസുദ്ധീൻ നെല്ലറ, മലബാർ ടൂറിസംകൗൺസിൽ അംഗം എഞ്ചിനീയർ ടി.പി.എം. ഹാഷിർ, ബിസിനസ് കേരള ചെയർമാൻ നൗഷാദ് ഇ.പി, ടി.എൻ.എം. ഗ്രൂപ്പ് സി.ഇ. ഒ. ടി.എൻ.എം. ജവാദ്, കിൽടൺ ഗ്രൂപ്പ് മാനേജിങ് ഡയറക്ടർ റിയാസ്, ഐകൺ മീഡിയ ഡയറക്ടർ നൗഷാദ് തുടങ്ങിയവർ ചടങ്ങിൽ സംബന്ധിച്ചു.

ഗൾഫ് മേഖലയിൽ ഏറ്റവും പ്രചാരമുള്ള ഖത്തർ ബിസിനസ് കാർഡ് ഡയറക്ടറി ഇന്ത്യാ ഗൾഫ് , ഇൻട്രാ ഗൾഫ് ബിസിനസ് രംഗത്ത് ഏറെ നൂതനമായ ഒരു കാൽവെപ്പാണ് . കോഴിക്കോട് സർഡവകലാശാല, ബിസ്ഗേറ്റ്, മിയ മാർക്കറ്റ് മാഗസിൻ തുടങ്ങി നിരവധി പുരസ്‌കാരങ്ങളും അംഗീകാരങ്ങളും ഇതിനകം തന്നെ ഖത്തർ ബിസിനസ് കാർഡ് ഡയറക്ടറി സ്വന്തമാക്കിയിട്ടുണ്ട്.
ഖത്തർ കോൺടാക്ട് ഡോട്ട് കോം എന്ന വിലാസത്തിൽ ഓൺലൈനായും ക്യൂബിസിഡി എന്ന പേരിൽ മൊബൈൽ ആപ്ളിക്കേഷനായും ഡയറക്ടറി ലോകത്തെമ്പാടുമുള്ള എല്ലാവർക്കും ആക്സസ് ചെയ്യാനാകും.

ഖത്തർ ബിസിനസ് കാർഡ് ഡയറക്റിയെ ലോകംഅംഗീകരിക്കുന്നുവെന്നതിൽ സന്തോഷമുണ്ടെന്നും ഡയറക്ടറിയുടെ പതിനാറാമത് എഡിഷൻ കൂടുതൽ പുതുമകളോടെ ആഗസ്തിൽ പുറത്തിറങ്ങുമെന്നും ഡോ. അമാനുല്ല വടക്കാങ്ങര പറഞ്ഞു.

 

. ഖത്തർ ബിസിനസ് കാർഡ്