ഡൽഹി: രാജ്യതലസ്ഥാനത്ത് ശക്തമായ ആലിപ്പഴ വർഷവും കൊടുങ്കാറ്റും. നിരവധി പ്രദേശങ്ങളിൽ ഗതാഗതക്കുരുക്ക് അനുഭവപ്പെട്ടു. മരങ്ങൾ കടപുഴകി വാഹനങ്ങൾക്ക് മേൽ വീണ് കേടുപാടുകൾ സംഭവിച്ചു. കാറ്റിന്റെ ശക്തിയിൽ റോഡിൽനിന്ന് കാറുകൾ നീങ്ങുന്ന വിഡിയോ ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചു.

പലയിടത്തും മരങ്ങൾ കടപുഴകിവീണു. മോശം കാലാവസ്ഥയെ തുടർന്ന് ഇന്ദിരാഗാന്ധി രാജ്യാന്തര വിമാനത്താവളത്തിൽനിന്നു വിമാനങ്ങൾ പുറപ്പെടാൻ വൈകി. കഴിഞ്ഞ തിങ്കളാഴ്ചയും ഡൽഹിയിൽ ശക്തമായ കാറ്റും മഴയുമായിരുന്നു.

മണിക്കൂറിൽ 50 കിലോമീറ്റർ വേഗത്തിലാണു കാറ്റ് വീശിയടിച്ചത്. ഡൽഹിക്ക് സമീപമുള്ള ഗുരുഗ്രാമിലും കനത്ത മഴയാണ്. കഴിഞ്ഞ ദിവസങ്ങളിൽ ഡൽഹിയിൽ കനത്ത ചൂടായിരുന്നു.

ന്യൂസ് ഡെസ്‌ക്‌

    ന്യൂസ് ഡെസ്‌ക്‌