വൻ രക്തചന്ദന വേട്ട; വിദേശത്തേയ്ക്ക് കടത്താൻ ശ്രമിച്ച 14.63 മെട്രിക് ടൺ രക്തചന്ദനം പിടികൂടി

ഹൈദരാബാദ്: ഗുജറാത്തിൽ വൻ രക്തചന്ദനവേട്ട. ഗുജറാത്ത് തുറമുഖത്ത് നിന്ന് 14.63 മെട്രിക് ടൺ കള്ളക്കടത്ത് രക്തചന്ദനം പിടികൂടി. റവന്യൂ ഇന്റലിജൻസ് ഡയറക്ടറേറ്റ് നടത്തിയ പരിശോധനയിലാണ് രക്തചന്ദനം പിടിച്ചെടുത്തത്. 840 രക്ത ചന്ദന തടികൾ കണ്ടെത്തി.

രാജ്യാന്തര വിപണിയിൽ 11.7 കോടി രൂപയുടെ വിലമതിക്കുന്നതാണ് രക്തചന്ദനം.അഹമ്മദാബാദിലെ സബർമതി കണ്ടെയ്‌നർ ഡിപ്പോയിൽ നടത്തിയ പരിശോധനയിലാണ് രക്തചന്ദനം കണ്ടെത്തിയത്. ഷാർജയിലേക്ക് കണ്ടെയ്‌നർ വഴി രക്തചന്ദനം കടത്താനുള്ള നീക്കമാണ് ഡിആർഐ തടഞ്ഞത്.