ദോഹ: ആസാദി കാ അമൃത് മഹോത്സവത്തിന്റെ ഭാഗമായി കൾച്ചറൽ ഫോറം സംഘടിപ്പിക്കുന്ന കൾച്ചറൽ ഫിയസ്റ്റ 'മിലെ സുർ മേരാ തുമാരാ' ജൂൺ പന്ത്രണ്ടിന് ഞായറാഴ്ച ഐ സി സി അശോക ഹാളിൽ നടക്കും. ഇന്ത്യൻ അബാസഡർ ഡോ.ദീപക് മിത്തൽ ഫിയസ്റ്റയുടെ ഉദ്ഘാടനം നിർവഹിക്കും .
ഐ സി സി പ്രസിഡന്റ് പി എൻ ബാബുരാജ് , ഐ എസ് സി പ്രസിഡന്റ്
ഡോ:മോഹൻ തോമസ് , ഐ സി ബി എഫ് ആക്ടിങ് പ്രസിഡന്റ് വിനോദ് നായർ ,കൾച്ചറൽ ഫോറം അഡൈ്വസറി ബോർഡ് ചെയർമാൻ ഡോ താജ് ആലുവ , പ്രസിഡന്റ് മുനീഷ് എ സി, വൈസ് പ്രസിഡന്റ് ചന്ദ്രമോഹൻ ഖത്തറിലെ വിവിധ സംഘടനാ പ്രതിനിധികൾ, കമ്മ്യൂണിറ്റി ലീഡേർസ്, അപെക്‌സ് ബോഡി അംഗങ്ങൾ എന്നിവർ പങ്കെടുക്കും.
കുട്ടികളടക്കം നൂറിലധികം കലാകാരന്മാർ അണിനിരക്കുന്ന സംഗീത പരിപാടി,രാജസ്ഥാനി ഫോക്,മിലെ സുർ മേരാ തുമാരാ,ഫ്യൂഷൻ ഡാൻസ്,കോമഡി സ്‌കിറ്റ്,മോഹിനിയാട്ടം,ഭരത നാട്യം തുടങ്ങിയ വൈവിധ്യമാർന്ന പരിപാടികൾ ഫിയസ്റ്റയുടെ ഭാഗമായി ഒരുക്കിയിട്ടുണ്ട്.
ഫിയസ്റ്റ ഓർഗനൈസിങ് കമ്മിറ്റിയിലേക്ക് ചന്ദ്രമോഹൻ (ജനറൽ കൺവീനർ) അനീസ് റഹ്മാൻ(പ്രോഗ്രാം കൺവീനർ) താസീൻ അമീൻ (എക്‌സിക്യൂട്ടീവ് കൺവീനർ)നിത്യ സുഭീഷ്(കൺവീനർ)എന്നിവരെയുംഓർഗനൈസിങ് കമ്മിറ്റി അംഗങ്ങളായി
സാദിഖ് ചെന്നാടൻ ,അൻവർ ഹുസൈൻ, ഷാഹിദ് ഓമശ്ശേരി, അഹമ്മദ് ഷാഫി, അനസ് മുഹമ്മദ്, ശരീഫ് തിരൂർ, അബ്ദുൽ ഗഫൂർ, ആബിദ സുബൈർ,ഷാഫി മൂഴിക്കൽ എന്നിവരെയും തിരഞ്ഞെടുത്തു.
