എസ്‌ഐ.ഒ ടീൻസ് മീറ്റ് സമാപിച്ചു
പടപ്പറമ്പ : 'ഹഖിലേക്കണയാം' തലക്കെട്ടിൽ പത്താം ക്ലാസ് പരീക്ഷയെഴുതിയ വിദ്യാർത്ഥികൾക്ക് എസ്‌ഐ.ഒ മക്കരപ്പറമ്പ്, പടപ്പറമ്പ് ഏരിയകൾ സംയുക്തമായി പടപ്പറമ്പ് അൽഫാറൂഖ് സ്‌കൂളിൽ സംഘടിപ്പിച്ച ടീൻസ് മീറ്റ് സമാപിച്ചു.
എസ്‌ഐ.ഒ സംസ്ഥാന സെക്രട്ടറി വാഹിദ് ചുള്ളിപ്പാറ ഉദ്ഘാടനം ചെയ്തു. എസ്‌ഐ.ഒ മക്കരപ്പറമ്പ് ഏരിയ പ്രസിഡന്റ് റബീ ഹുസൈൻ തങ്ങൾ അദ്ധ്യക്ഷത വഹിച്ചു. ജമാഅത്തെ ഇസ്ലാമി മക്കരപ്പറമ്പ് ഏരിയ പ്രസിഡന്റ് കുഞ്ഞിമുഹമ്മദ് മുരിങ്ങേക്കൽ, സോളിഡാരിറ്റി പടപ്പറമ്പ് ഏരിയ പ്രസിഡന്റ് ഹാരിസ് രാമപുരം, എസ്‌ഐ.ഒ പടപ്പറമ്പ് ഏരിയ പ്രസിഡന്റ് അജ്മൽ ഷഹീൻ, ടി ഫർഹാൻ, ടീൻസ് മീറ്റ് കൺവീനർ അബ്ദുൽ ബാരിഹ് എന്നിവർ സംസാരിച്ചു.
വിവിധ സെഷനുകൾക്ക് എസ്‌ഐ.ഒ ജില്ല സെക്രട്ടറി മുബാരിസ് വളാഞ്ചേരി, ജില്ല ജോ. സെക്രട്ടറി സഹൽബാസ്, ഷിബിൻ റഹ്‌മാൻ, ഫയാസ് ഹബീബ്, നൂറുദ്ദീൻ മമ്പാട്, സാജിദ് പറപ്പൂർ, അദീബ് കൊടുവള്ളി എന്നിവർ നേതൃത്വം നൽകി.
ജമാഅത്തെ ഇസ്ലാമി മലപ്പുറം ജില്ല പ്രസിഡന്റ് സലീം മമ്പാട് സമാപനം നിർവഹിച്ചു.
പ്രവാചക നിന്ദക്കെതിരെയും അറസ്റ്റിലും എസ്‌ഐ.ഒ പ്രതിഷേധ സംഗമം സംഘടിപ്പിച്ചു
പടപ്പറമ്പ്: സംഘ്പരിവാർ നേതാക്കളുടെ പ്രവാചകനിന്ദയിലും ഇസ്ലാംവിരുദ്ധ വിദ്വേഷ പ്രചാരണങ്ങളിൽ പ്രതിഷേധിച്ചും, പ്രവാചക നിന്ദക്കെതിരെ പ്രതിഷേധിച്ചവരുടെ അറസ്റ്റിലും എസ്‌ഐ.ഒ പടപ്പറമ്പ്, മക്കരപ്പറമ്പ് ഏരിയ സംയുക്ത ടീൻസ് മീറ്റ് പ്രതിഷേധം സംഘടിപ്പിച്ചു.
എസ്‌ഐ.ഒ മക്കരപ്പറമ്പ് ഏരിയ പ്രസിഡന്റ് റബീ ഹുസൈൻ തങ്ങൾ, പടപ്പറമ്പ് ഏരിയ സെക്രട്ടറി ടി ഫർഹാൻ, അബ്ദുൽ ബാരിഹ്, ശാഹിൻ, നസീം ചെറുകുളമ്പ്, ഹാനി കടുങ്ങൂത്ത് എന്നിവർ നേതൃത്വം നൽകി.
