ഓവർസീസ് എൻ സി പി യുഎഇ കമ്മിറ്റിയുടെ ആഭിമുഖ്യത്തിൽ സ്ഥാപകദിനാഘോഷം സംഘടിപ്പിച്ചു

ഷാർജ: ഓവർസീസ് എൻ സി പി യുഎഇ കമ്മിറ്റിയുടെ ആഭിമുഖ്യത്തിൽ നാഷണലിസ്റ്റ് കോൺഗ്രസ്സ് പാർട്ടിയുടെ ഇരുപത്തിനാലാമത് സ്ഥാപക ദിനാഘോഷം സംഘടിപ്പിച്ചു. ഒ എൻ സി പി യു എ ഇ കമ്മിറ്റി ജന. സിക്രട്ടറി സിദ്ദിഖ് ചെറുവീട്ടിൽ സ്വാഗതം പറഞ്ഞ ചടങ്ങിൽ, പ്രസിഡണ്ട് രവി കൊമ്മേരി അദ്ധ്യക്ഷത വഹിക്കുകയും, ഓവർസീസ് സെൽ ദേശിയ ജന.സിക്രട്ടറി ജിയോ ടോമി, കേക്ക് മുറിച്ച് വിതരണം നടത്തി ഉത്ഘാടനവും നിർവ്വഹിച്ചു.

ദേശീയ തലത്തിൽ വരുന്ന രാഷ്ട്രീയ വീക്ഷണങ്ങളും, മാറ്റങ്ങളും വിലയിരുത്തിയ പരിപാടിയിൽ വരാൻ പോകുന്ന രാഷ്ട്രപതി തിരഞ്ഞെടുപ്പിൽ സംഭവിക്കുന്ന നീക്കുപോക്കുകളിൽ എൻ സി പി ക്കുണ്ടാകുന്ന രാഷ്ട്രിയ ഗുണത്തെക്കുറിച്ചും വിശദമായി ചർച്ച ചെയ്യപ്പെട്ടു. കമ്മറ്റി ഭാരവാഹികളായ ബാബു ലത്തീഫ്, ജോൺസൺ ജോർജ്, റോയ് പി തീയോച്ചൻ, ജോസഫ് ചാക്കോ കൂടാതെ മറ്റ് റിരവധി അംഗങ്ങളും പങ്കെടുത്തു.