ജിദ്ദ: 'കെഎംസിസി യിൽ അംഗമാവുക, പ്രവാസത്തിന്റെ നന്മയാവുക' എന്ന പ്രമേയത്തിൽ ജിദ്ദ കെഎംസിസി സെൻട്രൽ കമ്മിറ്റി നടത്തി വരുന്ന കാംപയിന് ഷറഫിയ്യ സുലൈമാൻ മസ്ജിദ് ഏരിയയിൽ തുടക്കമായി. നിരവധി പ്രവർത്തകർ പങ്കെടുത്ത യോഗത്തിൽ വെച്ച് കെഎംസിസി സെൻട്രൽ കമ്മിറ്റി ജനറൽ സെക്രട്ടറി അബൂബക്കർ അരിമ്പ്ര ഉദ്ഘാടനം ചെയ്തു. പ്രതിസന്ധി ഘട്ടങ്ങളിൽ പ്രവാസികളെ ചേർത്ത് പിടിച്ച മഹത്തായ പ്രസ്ഥാനമാണ് കെഎംസിസി എന്ന് അദ്ദേഹം പറഞ്ഞു. ഏരിയ കെഎംസിസി പ്രസിഡന്റ് മാനു പട്ടിക്കാട് അധ്യക്ഷത വഹിച്ചു.

കെഎംസിസി മെമ്പർഷിപ്പ് വിതരണ ഉദ്ഘാടനം കോഴിക്കോട് ജില്ല കെഎംസിസി വൈസ് പ്രസിഡന്റ് ഇബ്റാഹീം കൊല്ലിക്ക് അംഗത്വം നൽകിക്കൊണ്ട് അബൂബക്കർ അരിമ്പ്ര നിർവഹിച്ചു. സെൻട്രൽ കമ്മിറ്റി സെക്രട്ടറി നാസർ മച്ചിങ്ങൽ, ഇബ്റാഹീം നെല്ലിക്കുത്ത്, ഇർഷാദ് കാസറഗോഡ്, അൻവർ സാദത്ത് കുറ്റിപ്പുറം, കെ. സി മൻസൂർ തുടങ്ങിയവർ സംസാരിച്ചു. ടി. പി അബ്ദുസ്സലാം സ്വാഗതവും ഹബീബ് പട്ടാമ്പി നന്ദിയും പറഞ്ഞു.