ബഹ്‌റൈനിൽ സെയിൽസ് മേഖലയിൽ ജോലിചെയ്യുന്ന മലയാളികളുടെ കൂട്ടായ്മയായ ബഹ്റൈൻ മലയാളീ സെയിൽസ് ടീമിന്റെ (B M S T ) ആഭിമുഖ്യത്തിൽ ബ്രീസ് 2022 എന്ന പരിപാടി കഴിഞ്ഞ ദിവസം സഗയ്യ കെസിഎ ഹാളിൽ വെച്ച് നടന്നു . പ്രശസ്ത മാപ്പിളപ്പാട്ട് ഗായകൻ താജുദ്ദീൻ വടകര മുഖ്യാതിഥിയായി പങ്കെടുത്ത ചടങ്ങിൽ ബി എം എസ് ടി അംഗങ്ങൾക്കായി ഷിഫ അൽജസീറ ഹോസ്പിറ്റലുമായി സഹകരിച്ച് നടപ്പിലാക്കിയ ഹെൽത്ത് പ്രിവിലേജ് കാർഡിന്റെ വിതരണോത്ഘാടനവും സെയിൽസ് മേഖലയിൽ നിരവധി വർഷത്തെ സേവനങ്ങളെ മുൻനിർത്തി എസ് ജി എബ്രഹാം ,കെ ശ്രീധരൻ എന്നിവരെ ആദരിക്കുന്ന ചടങ്ങും നടന്നു .
ബഹ്റൈൻ കേരളീയ സമാജം ജനറൽ സെക്രട്ടറി വർഗീസ് കാരയ്ക്കൽ ,പരിപാടിയുടെ മുഖ്യ പ്രയോജകരായ ലുലു ഗ്രൂപ്പ് ബഹ്റൈൻ പർച്ചേയ്‌സ് ഹെഡ് മഹേഷ് , ഗാനരചയ്താവ് ആഷിർ വടകര എന്നിവർ സന്നിഹിതരായിരുന്നു. മൂന്നാം വർഷത്തിലേക്ക് കടക്കുന്ന ബഹ്റൈൻ മലയാളീ സെയിൽസ് ടീം പൊതു സമൂഹത്തിൽ സാമ്പത്തികമായും തൊഴിൽപരമായും ബുദ്ധിമുട്ടനുഭവിക്കുന്നവർക്കായി നിരവധി കർമപദ്ധതികൾ ആവിഷ്‌കരിച്ചു നടപ്പാക്കുമെന്ന് പ്രസിഡന്റ് സിജുകുമാർ അധ്യക്ഷ പ്രസംഗത്തിൽ വ്യക്തമാക്കി,സെക്രട്ടറി സനിൽ കാണിപ്പയ്യൂർ സ്വാഗതവും ട്രഷറർ ആരിഫ് പോർക്കുളം നന്ദിയും രേഖപ്പെടുത്തി.
തുടർന്ന് ബഹ്‌റൈനിലെ നിരവധി കലാകാരന്മാരും കലകാരികളും അവതരിപ്പിച്ച സംഗീത നൃത്ത കലാപ്രകടനം ചടങ്ങിന് മിഴിവേകി . വൈസ് പ്രസിഡന്റ് അഗസ്റ്റിൻ മൈക്കിൾ, ജോയിന്റ് സെക്രട്ടറി അഷ്‌റഫ്, പ്രോഗ്രാം കൺവീനർ അഞ്ചും ബേക്കർ, പ്രോഗ്രാം കോർഡിനറ്റർ അരുൺ ആർ പിള്ള, മറ്റ് പ്രോഗ്രാം കമ്മറ്റി മെമ്പർമാർ എന്നിവർ പരിപാടികൾക്ക് നേതൃത്വം നൽകി .
