പ്രവാസജീവിതം അവസാനിപ്പിച്ച് മടങ്ങുന്ന റിയാസിന് നവയുഗം സ്നേഹപൂർണമായ യാത്രയയപ്പ് നൽകി

പത്തു വർഷത്തെ പ്രവാസ ജീവിതം മതിയാക്കി നാട്ടിലേക്ക് പോകുന്ന നവയുഗം സാംസ്‌കാരികവേദി കോബാർ മേഖല കമ്മിറ്റി അംഗവും, സജീവ പ്രവർത്തകനുമായ റിയാസിന് നവയുഗം കോബാർ മേഖല കമ്മിറ്റി യാത്രയയപ്പ് നൽകി.

നവയുഗം കോബാർ മേഖല പ്രസിഡന്റ് ബിജു വർക്കി നവയുഗത്തിന്റെ ഉപഹാരം റിയാസിന് കൈമാറി. ചടങ്ങിൽ നവയുഗം നേതാക്കളായ എം.എ.വാഹിദ് കാര്യറ, ഷാജി മതിലകം, അരുൺ ചാത്തന്നൂർ, അനീഷ കലാം, സഹീർഷാ, സന്തോഷ്, ബിനുകുഞ്ഞു എന്നിവർ പങ്കെടുത്തു.

കൊല്ലം സ്വദേശിയായ റിയാസ് ഇത്രകാലവും അറാമെക്‌സ് കൊറിയർ കമ്പനിയിൽ ഡെലിവറി വിഭാഗത്തിൽ ജോലി ചെയ്തു വരികയായിരുന്നു.

ഒൻപതു വർഷമായി നവയുഗത്തിൽ സജീവമായി പ്രവർത്തിക്കുന്ന റിയാസ് നവയുഗം അക്രബിയ യൂണിറ്റ് പ്രസിഡന്റ് ആയും, കോബാർ മേഖല ജോയിന്റ് സെക്രട്ടറിയായും സാമൂഹ്യമേഖലയിൽ സജീവമായി പ്രവർത്തിച്ചിരുന്നു.