ദുബായ്: ദുബായ് സെന്റ് തോമസ് ഓർത്തോഡോക്‌സ് കത്തീഡ്രലിൽ വിശുദ്ധ മാർത്തോമ്മാ ശ്ലീഹായുടെ ദുക്‌റോനോ പെരുന്നാൾ ജൂലൈ 2 ശനി , ജൂലൈ 3 ഞായർ ദിവസങ്ങളിൽ നടക്കും. പെരുന്നാൾ ശുശ്രൂഷകൾക്ക് മലങ്കര ഓർത്തോഡോക്‌സ് സഭയുടെ പരമാധ്യക്ഷൻ പരിശുദ്ധ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവാ മുഖ്യ കാർമികത്വം വഹിക്കും.
ജൂലൈ 2 ശനി വൈകിട്ട് 6-ന് മുഖ്യ കവാടത്തിൽ നിന്ന് പരിശുദ്ധ ബാവയെ സ്വീകരിക്കും. 7.30 -ന് പരിശുദ്ധ ബാവായുടെ മുഖ്യ കാർമികത്വത്തിൽ സന്ധ്യാ നമസ്‌കാരം, തുടർന്ന് വചന ശുശ്രൂഷ. തുടർന്ന് ഭക്തി നിർഭരമായ റാസ, പെരുന്നാൾ വാഴ്‌വ് ,ആശിർവാദം, സ്‌നേഹ വിരുന്ന്.
ജൂലൈ ഞായർ രാവിലെ 7:15 -ന് പ്രഭാത നമസ്‌കാരം, തുടർന്ന് പരിശുദ്ധ ബാവായുടെ മുഖ്യ കാർമികത്വത്തിൽ വിശുദ്ധ മൂന്നിന്മേൽ കുർബ്ബാന, ആശിർവാദം, നേർച്ച വിളമ്പോട് കൂടി പെരുന്നാളിന് കൊടിയിറങ്ങും.
പെരുന്നാളിന്റെ ഒരുക്കങ്ങൾക്ക് വികാരി ഫാ. ബിനീഷ് ബാബു, സഹ വികാരി ഫാ. സിബു തോമസ് , ഇടവക ട്രസ്റ്റീ ഡോ. ഷാജി കൊച്ചുകുട്ടി , സെക്രട്ടറി ബിജു സി. ജോൺ, ജോയിന്റ് ട്രസ്റ്റീ സജി ഡേവിഡ്, ജോയിന്റ് സെക്രട്ടറി ബിനിൽ എം. സ്‌കറിയ എന്നിവർ നേതൃത്വം നൽകും.
