മലപ്പുറം: പൊതുനിരത്തിൽ സ്ത്രീയെ ക്രൂരമായി മർദ്ദിച്ചയാളെ പൊന്നാനി പൊലീസ് അറസ്റ്റ് ചെയ്തു. ശുകപുരം നടുവട്ടം സ്വദേശി വിജയൻ എന്ന ബാലനെ ( 48)യാണ് അറസ്റ്റ് ചെയ്തത്. തട്ടാൻപടി രജിസ്റ്റർ ഓഫീസിൽ വെച്ച് സ്ത്രീയെ മർദ്ദിക്കുന്ന വീഡിയോ സോഷ്യൽ മീഡിയയിൽ വ്യാപകമായി പ്രചരിച്ചിരുന്നു.

അറസ്റ്റിലായ ബാലന് സ്ത്രീ പണം നൽകാനുണ്ടായിരുന്നു. ബാലന്റെ പേരിലുള്ള ഭൂമി സ്ത്രീയുടെ പേരിൽ എഴുതിക്കൊടുത്തിരുന്നു.ഇതിന്റെ പണം ബാലന് ഇതുവരെ കിട്ടിയിട്ടില്ല. മറ്റൊരു ഭൂമി രജിസ്ട്രേഷൻ നടക്കാനുണ്ടെന്നും അത് നടക്കുമ്പോൾ പണം നൽകാമെന്നും സ്ത്രീ വാക്ക് നൽകിയിരുന്നു.

എന്നാൽ കഴിഞ്ഞ ദിവസം രജിസ്ട്രാർ ഓഫീസിൽ എത്തിയ സ്ത്രീക്ക് ഭൂമി രജിസ്ട്രേഷൻ നടത്താൻ കഴിഞ്ഞില്ല. ഇതോടെ നൽകാമെന്നേറ്റ പണവും നൽകയില്ല. ഇതിനെച്ചൊല്ലിയുള്ള വഴക്കാണ് മർദ്ദനത്തിൽ കലാശിച്ചത്. സ്ത്രീയെ മർദ്ദിച്ചതോടെ ഇവരുടെ ഭർത്താവിന് അപസ്മാരം ഇളകി. ഏറെ നേരം റോഡിൽ അപസ്മാരം ഇളകിയ നിലയിൽ ഇയാൾ വീണുകിടന്നു. ഇതുവഴിയുള്ള ഗതാഗതവും തടസ്സപ്പെട്ടു