പതിനഞ്ചു വർഷത്തോളം നീണ്ട പ്രവാസ ജീവിതം മതിയാക്കി നാട്ടിലേക്ക് പോകുന്ന നവയുഗം സാംസ്‌കാരികവേദി ദമ്മാം മേഖലയിലെ സജീവ പ്രവർത്തകനായ സനൽ കുമാറിന് നവയുഗം ദമ്മാം മേഖല കമ്മിറ്റി യാത്രയയപ്പ് നൽകി.

നവയുഗം ഓഫിസിൽ നടന്ന ലളിതമായ ചടങ്ങിൽ വെച്ച് ദമ്മാം മേഖല പ്രസിഡന്റ് തമ്പാൻ നടരാജൻ നവയുഗത്തിന്റെ ഉപഹാരം സനലിന് കൈമാറി. ചടങ്ങിൽ നവയുഗം നേതാക്കളായ നിസാം കൊല്ലം, ഗോപകുമാർ അമ്പലപ്പുഴ, ജാബിർ മുഹമ്മദ്, കോശി തരകൻ എന്നിവർ സംസാരിച്ചു.

തിരുവനന്തപുരം വർക്കല സ്വദേശിയായ സനൽകുമാർ ഇത്രയും കാലം സൗദി സ്‌പോൺസറിന്റെ കീഴിൽ പ്ലംബിങ് - ഇലക്ട്രിക്ക് ജോലികൾ ചെയ്തു വരികയായിരുന്നു. നവയുഗം ദമാം മേഖല കമ്മിറ്റി മെമ്പർ ആയിരുന്ന സനൽകുമാർ, ദമ്മാമിലെ സാമൂഹികസാംസ്കാരിക മേഖലയിൽ സജീവമായി പ്രവർത്തിച്ചിരുന്നു. വ്യക്തിപരമായ കാരണങ്ങളാലാണ് പ്രവാസജീവിതം അവസാനിപ്പിച്ച് നാട്ടിലേയ്ക്ക് മടങ്ങുന്നത്.