ഒരു മാസത്തോളമായി ഇന്ത്യൻ പ്രവാസി സമൂഹത്തിനു ആഹ്ളാദവും ആവേശവുമായി നടന്നു വരുന്ന സിറ്റി എക്‌സ്‌ചേഞ്ച് ട്രാൻസ്ഫാസ്റ്റ് ട്രോഫിക്കായുള്ള ഏട്ടാമത് ഖിയ ചാമ്പ്യൻസ് ലീഗിന്റെ കലാശ കൊട്ടിന് നാളെ അൽ അറബി സ്റ്റെഡിയം സാക്ഷിയാവും. കായിക രംഗത്ത് ഇന്ത്യ - ഖത്തർ ബന്ധം ഊഷ്മളമാക്കുക, ഖത്തർ 2022 നു ഇന്ത്യൻ ജനതയുടെ ഐക്യധാർഡ്യം ഊട്ടിയുറപ്പിക്കുക എന്നീ ലക്ഷ്യങ്ങളോടെ, മിനിസ്ട്രി ഓഫ് കൾച്ചർ ആൻഡ് സ്‌പോര്ട്‌സ്‌ന്റെയും ഖത്തർ 2022 സുപ്രീം കമ്മറ്റിയുടെയും അറബി സ്പോർട്സ് ക്ലബ്ബിന്റെയും സഹകരണത്തോടെ നടന്നു വരുന്ന ടൂർണമെന്റിന്റെ ഫൈനലിൽ ടോട്ടൽ ഫുട്ബാളിന്റെ എല്ലാ ചാരുതയും ആവാഹിച്ചു മൈതാനത്തു പന്തുകൊണ്ട് നൃത്തം ചെയ്യുന്ന സിറ്റി എക്‌സ്‌ചേഞ്ച് എഫ്സി, കാൽ പന്തുകളിയുടെ എല്ലാ അടവുകളും പയറ്റിത്തെളിഞ്ഞ കരുത്തരായ ഇസ്ലാമിക് എക്‌സ്‌ചേഞ്ച് മേറ്റ്‌സ് ഖത്തറിനെ നേരിടുന്നു. ഇന്ത്യൻ സൂപ്പർ ലീഗ്, സന്തോഷ് ട്രോഫി, ഐ ലീഗ് താര നിബിഢമായ കരുത്തരായ രണ്ട് ടീമുകൾ മാറ്റുരക്കുന്ന ആവേശകരമായ ഫൈനൽ മത്സരം വെള്ളിയാഴ്ച 7 മണിക്ക് അൽ അറബി മെയിൻ സ്റ്റേഡിയത്തിൽ ആണ് നടക്കുന്നത്.

ഫൈനലിന് മുന്നോടിയായി പ്രശസ്ത സംഗീതജ്ഞൻ ശബരീഷ് പ്രഭാകർ , സിനിമ പിന്നണി ഗായിക അഞ്ചു ജോസഫ് എന്നിവർ നയിക്കുന്ന സംഗീത വിരുന്ന്, വൈകിട്ട് 5 മണി മുതൽ കാണികൾക്ക് കൈനിറയെ സമ്മാനങ്ങളുമായി ഫാൻസോണിൽ ക്ലിക്കോൻ കിക്കോഫ്, ഖത്തർ 2022 വിനു ഐക്യദാർഢ്യം പ്രഖ്യാപിച്ചുകൊണ്ട് 2500 ലധികം പേർ പങ്കെടുക്കുന്ന പെയിന്റിങ് കോമ്പറ്റിഷൻ, കേക്ക് ഫെസ്റ്റിവൽ എന്നിവ ചടങ്ങിന് മാറ്റുകൂട്ടും
പ്രവേശനം തികച്ചും സൗജന്യം.

കുടുംബങ്ങൾക്ക് പ്രത്യേക ഇരിപ്പിടംസങ്കടനകൾക്ക് തങ്ങളുടെ ബാനറുകളുമായി ഒന്നിച്ചിരിക്കാൻ സൗകര്യം.

ഫിഫ വേൾഡ് കപ്പ് ലെഗസി അംബാസ്സഡർസ് ആയ മുഹമ്മദ് സാദോൻ കുവാരി, അഹമ്മദ് ഖലീൽ, ഇബ്രാഹിം ഖൽഫാൻതുടങ്ങി ഖത്തർ 2022 സുപ്രീം കമ്മറ്റിയിലെയും ഖത്തർ ഫുട്ബാൾ അസോസിയേഷനിലെയും ഉന്നത വ്യക്തിത്വങ്ങൾ, ഇന്ത്യൻ പ്രവാസി സങ്കടനാ നേതാക്കൾ എന്നിവർ ചടങ്ങിൽ പങ്കെടുക്കുന്നു.

പ്രവാസി ഇന്ത്യക്കാർക്കിടയിൽ അഖിലേന്ത്യാ തലത്തിൽ നടക്കുന്ന ഏക ടൂർണമെന്റ് ആയ ഖിയ ചാമ്പ്യൻസ് ലീഗിൽ 08 പ്രഘൽഭ ടീമുകളാണ് പങ്കെടുത്തത്.

ഫൈനൽ മത്സരം വിലയിരുത്തുമ്പോൾ പ്രവചനാതീതം എന്ന് ഒറ്റ വാക്കിൽ പറയാം. ലീഗ് റൗണ്ടിൽ എല്ലാ മത്സരങ്ങളിലും നല്ല മേധാവിത്തതോടെ വിജയിച് സെമിയിൽ പ്രവേശിച്ച്, സെമിയിൽ ഇന്‌ജോടിഞ്ച് പോരാട്ടത്തിനോടുവിൽ ഫൈനലിൽ പ്രവേശിച്ച ടീം സിറ്റി എക്‌സ്‌ചേഞ്ച് എഫ്സിക്ക് ആത്മവിശ്വാസം കൂടാൻ സാധ്യതയുണ്ട്. ടൂർണമെന്റിൽ ഉടനീളം മികച്ച നിലവാരം പുലർത്തുന്ന ഇസ്ലാമിക് എക്‌സ്‌ചേഞ്ച് മേറ്റ്‌സ് ഖത്തർന്റെ മധ്യ നിരയും മുന്നേറ്റ നിരയും അതിശക്തരാണ് . 90 മിനുട്ട് കളി അവസാനിച്ചാൽ മാത്രമേ എട്ടാമത് ഖിയ ചാമ്പ്യൻസ് ലീഗ് ഗോൾഡൻ ട്രോഫി ആരുടെ ഷെൽഫിൽ വിശ്രമിക്കും എന്ന് പറയാനാവൂ.

ഖിയ ചാമ്പ്യൻസ്