കണ്ണൂർ: കണ്ണൂരിൽ എംഡിഎംഎയും കഞ്ചാവുമായി യുവാവ് പൊലീസിന്റെ പിടിയിലായി. ടൗൺ പൊലീസ് നടത്തിയ വാഹന പരിശോധനക്കിടെ പൊലീസ് കൈ കാണിച്ചു നിർത്താതെ പോയ മോട്ടോർ സൈക്കിൾ പിന്തുടർന്നു പിടികൂടി പരിശോധിക്കുകയായിരുന്നു. ബൈക്ക് യാത്രികന്റെ പക്കൽ നിന്നും 0.63 ഗ്രാം എംഡിഎംഎയും 1.108 കിലോ കഞ്ചാവും പിടികൂടി.

കണ്ണൂർ ടൗൺ സബ്ബ് ഇൻസ്‌പെക്ടർ പ്രേമൻ സി വി യുടെ നേതൃത്വത്തിൽ നടത്തിയ പരിശോധനയിൽ ആണ് ലഹരി വസ്തുക്കൾ പിടികൂടിയത്. സാജിദ് അബ്ദുല്ല വി യു (22), ആമിന മൻസിൽ, ചന്തപ്പുര, കടന്നപ്പള്ളിയെയാണ് പൊലീസ് പിടികൂടിയത്. പ്രതി സഞ്ചരിച്ച KL 13 AS 876 നമ്പർ മോട്ടർ സൈക്കിൾ പൊലീസ് കസ്റ്റഡിയിൽ എടുത്തിട്ടുണ്ട്.

വിൽപ്പനക്കായി കൊണ്ടുവന്ന കഞ്ചാവ് പ്രതിയുടെ ബാഗിൽ സൂക്ഷിച്ച നിലയിൽ ആയിരുന്നു. SCPO നാസർ, CPO രിജിൻ പി വി, മനേഷ്, രാജേഷ് എന്നിവരും ലഹരി മരുന്നും കാഞ്ചവും പിടികൂടിയ സംഘത്തിൽ ഉണ്ടായിരുന്നു.