തട്ടിക്കൊണ്ടുപോയ പെൺകുട്ടികളെ കണ്ടെത്താൻ പൊലീസ് സഹായമഭ്യർത്ഥിച്ചു

ടെക്‌സസ്: സെൻട്രൽ ടെക്‌സസ് മക്ക്ഗ്രിഗർ സിറ്റിയിൽ നിന്നും തട്ടിക്കൊണ്ടുപോയ 14 വയസ്സുള്ള രണ്ടു പെൺകുട്ടികളെ കണ്ടെത്താൻ പൊലീസ് പൊതുജനങ്ങളുടെ സഹകരണം അഭ്യർത്ഥിച്ചു. ഇരുവരുടെയും ജീവൻ അപകടത്തിലാണെന്ന് പൊലീസ് പറഞ്ഞു.

ഒരാഴ്ച മുമ്പു ജൂൺ 29നാണ് ആയിഷ ലിൻക്രോസ്(14), എമിലി സോളമൻ(14) എന്നിവരെ അവസാനമായി വാക്കോ സൗത്ത് ഈസ്റ്റിൽ നിന്നും 20 മൈൽ ്അകലെയുള്ള മെൽഗ്രീഗർ സ്ട്രീറ്റിൽ നിന്നും കാണാതായത്. ക്രോസ്സിന് അഞ്ച് അടി 2 ഇഞ്ച് ഉയരവും, 105 പൗണ്ട് തൂക്കവും കറുത്തമുടിയും ഉണ്ട്. സോളമൻ അഞ്ചടി ഒരിഞ്ചു ഉയരവും 175 പൗണ്ട് തൂക്കമുണ്ടെന്ന് പൊലീസ് അറിയിച്ചു. ഇവരെ കുറിച്ചു വിവരം ലഭിക്കുന്നവർ മെക്ക് ഗ്രിഗർ പൊലീസ് ഡിപ്പാർട്ട്‌മെന്റിനെ 254 840 2855 എന്ന നമ്പറിൽ വിളിച്ചറിയിക്കണമെന്ന് അഭ്യർത്ഥിച്ചിട്ടുണ്ട്.

ഇവരെ കണ്ടെത്തുന്നതിന് ആംബർ അലർട്ട് പ്രഖ്യാപിച്ചിട്ടുണ്ട്. സാധാരണ കുട്ടികളെ കാണാതായാൽ 12 മണിക്കൂറിനകം തിരികെ എത്താറുണ്ട്. ഈ സംഭവത്തിനു ദിവസങ്ങൾ പിന്നിട്ടിട്ടും മടങ്ങിവരാത്തതിൽ ആശങ്കയാണെന്ന് പൊലീസ് അധികൃതർ പറയുന്നു. ഈയ്യിടെയാണ് ഇരുവരും സ്‌നേഹിതരായതെന്ന് സോളമന്റെ സ്റ്റെഫ് മദർ പറഞ്ഞു.