ഡൽഹിയിൽ ഗോഡൗണിന്റെ മതിൽ ഇടിഞ്ഞുവീണ് അഞ്ച് പേർ മരിച്ചു; രക്ഷാപ്രവർത്തനം തുടരുന്നു

ന്യൂഡൽഹി: ഡൽഹി അലിപൂരിൽ മതിൽ ഇടിഞ്ഞുവീണ് അഞ്ച് പേർ മരിച്ചു. ഗോഡൗണിന്റെ മതിൽ ഇടിഞ്ഞാണ് അപകടം. നിരവധി പേർ കുടുങ്ങി കിടക്കുന്നതായി സംശയമുണ്ട്. പരിക്കുകളോട് 9 പേരെ രക്ഷപ്പെടുത്തി. ഇവരിൽ രണ്ട് പേരുടെ നില ഗുരുതരമാണ്. ഇവരെ ആശുപത്രികളിലേക്ക് മാറ്റിയിട്ടുണ്ട്. ഡൽഹി പൊലീസും ഫയർഫോഴ്‌സും സ്ഥലത്തെത്തി. രക്ഷാപ്രവർത്തനം തുടരുകയാണ്.