രാമപുരം: ഭക്തി സാന്ദ്രമായ അന്തരീക്ഷത്തിൽ രാമപുരം നാലമ്പല ദർശന തീർത്ഥാടനത്തിന് തുടക്കമായി. രാവിലെ തന്നെ മാണി സി കാപ്പൻ എം എൽ എ ദർശനത്തിനായി ശ്രീരാമസ്വാമി ക്ഷേത്രത്തിൽ എത്തിച്ചേർന്നു. ക്ഷേത്രം ഭാരവാഹികൾ ചേർന്നു എം എൽ എ സ്വീകരിച്ചു. തുടർന്നു കൂടപ്പലം ശ്രീലക്ഷ്മണസ്വാമി ക്ഷേത്രം, അമനകര ശ്രീഭരതസ്വാമി ക്ഷേത്രം ശത്രുഘനസ്വാമി ക്ഷേത്രങ്ങൾ എന്നിവിടങ്ങളിൽ മാണി സി കാപ്പൻ എം എൽ എ ദർശനത്തിനായി എത്തിച്ചേർന്നു.
തുടർന്നു ക്ഷേത്ര ഭാരവാഹികളുമായി ദർശന ക്രമീകരണങ്ങൾ വിലയിരുത്തി. തീർത്ഥാടകർക്കു എല്ലാവിധ സൗകര്യങ്ങളും ഏർപ്പെടുത്താൻ ഉദ്യോഗസ്ഥർക്കു നിർദ്ദേശം നൽകിയതായി എം എൽ എ ക്ഷേത്ര ഭാരവാഹികളോട് വിശദീകരിച്ചു. ഒരുക്കങ്ങളുടെ ഭാഗമായി വിളിച്ച വിശാലയോഗത്തിന്റെ തീരുമാനപ്രകാരം എല്ലാ സജ്ജീകരണങ്ങളും ഏർപ്പെടുത്തിക്കഴിഞ്ഞതായി എം എൽ എ ചൂണ്ടിക്കാട്ടി. രാമപുരം - കൂത്താട്ടുകുളം റോഡിന്റെ താൽക്കാലിക അറ്റകുറ്റപണികൾ അവസാനഘട്ടത്തിലാണ്. റോഡിലെ കുഴികൾ മുഴുവൻ രണ്ടു ദിവസത്തിനുള്ളിൽ നികത്തുമെന്നും മാണി സി കാപ്പൻ അറിയിച്ചു. രാമപുരം ഗ്രാമ പഞ്ചായത്ത് മുൻ അംഗങ്ങളായ മത്തച്ചൻ പുതിയിടത്തുചാലിൽ, എം പി കൃഷ്ണൻനായർ എന്നിവരും എം എൽ എ യ്‌ക്കൊപ്പം ഉണ്ടായിരുന്നു.
മൽസ്യ വിളവെടുപ്പ് നടത്തി
പാലാ: മുകളേൽപീടിക ഫാർമേഴ്‌സ് ക്ലബ്ബിന്റെ മത്സ്യ വിളവെടുപ്പിനോടനുബന്ധിച്ചു സംഘടിപ്പിച്ച ചൂണ്ടയിടൽ മത്സരം മാണി സി കാപ്പൻ എം എൽ എ ഉദ്ഘാടനം ചെയ്തു.
ചടങ്ങിൽ മീനച്ചിൽ ഗ്രാമപഞ്ചായത്ത് പ്രസിഡന്റ് ജോയി കുഴിപ്പാല അധ്യക്ഷത വഹിച്ചു. ബ്ലോക്ക് മെമ്പർ ഷിബു പൂവേലി, ക്ലബ് പ്രസിഡന്റ് കെ ബി വിനോദ്, ഷേർളി ബേബി, വാർഡ് മെമ്പർ ജയശ്രീ സന്തോഷ്, ജയകൃഷ്ണ, എം ജി ഗോപകുമാർ, വിൻസെന്റ് കണ്ടത്തിൽ, സന്തോഷ് കാപ്പൻ, ദിവാകരൻ നായർ, എം പി കൃഷ്ണൻ നായർ എന്നിവർ പ്രസംഗിച്ചു. ചൂണ്ടയിടൽ മത്സര വിജയിക്ക് കുന്നപ്പള്ളി പൈകയിൽ കെ ബി ഭാസ്‌കരൻ നായർ മെമോറിയൽ ക്യാഷ് അവാർഡും സമ്മാനിച്ചു.
