അൽകോബാർ: നവയുഗം സാംസ്കാരികവേദി കോബാർ സിറ്റി യൂണിറ്റ് കമ്മിറ്റിക്ക് പുതിയ ഭാരവാഹികളെ തെരെഞ്ഞെടുത്തു. കോബാർ ഷമാലിയയിൽ നടന്ന യൂണിറ്റ് കൺവെൻഷനിൽ വച്ചാണ് പുതിയ ഭാരവാഹികളെ തെരെഞ്ഞെടുത്തത്.

ശ്യാം തങ്കച്ചന്റെ അധ്യക്ഷതയിൽ ചേർന്ന കൺവെൻഷൻ നവയുഗം ജനറൽ സെക്രട്ടറി എം.എ.വാഹിദ് കാര്യറ കൺവെൻഷൻ ഉത്ഘാടനം ചെയ്തു. നവയുഗം കോബാർ മേഖല സെക്രട്ടറി ബിജു വർക്കി, കേന്ദ്രകമ്മിറ്റിയംഗം ലത്തീഫ് മൈനാഗപ്പള്ളി എന്നിവർ അഭിവാദ്യപ്രസംഗം നടത്തി. കൺവെൻഷന് രെജിൻ ചന്ദ്രൻ സ്വാഗതവും, സജി അച്യുതൻ നന്ദിയും പറഞ്ഞു

നവയുഗം കോബാർ സിറ്റി യൂണിറ്റ് കമ്മിറ്റിയുടെ പുതിയ ഭാരവാഹികൾ ആയി ശ്യാം തങ്കച്ചൻ (രക്ഷാധികാരി), ഉണ്ണികൃഷ്ണൻ (പ്രസിഡന്റ്), ഷിബു കുമ്മിൽ (വൈസ് പ്രസിഡന്റ്), സജി അച്യുതൻ (സെക്രട്ടറി), സൂരജ് (ജോ.സെക്രട്ടറി), ജോസഫ് ആൻഡ്റണി (ഖജാൻജി) എന്നിവരെ തിരഞ്ഞെടുത്തു.