നാലുവർഷത്തെ സൈനിക സേവനത്തിന് ശേഷം വിരമിക്കുന്ന അഗ്‌നിവീരന്മാർക്ക് ഇനിയുള്ള റിക്രൂട്ട്‌മെന്റുകളുടെ പത്ത് ശതമാനം നീക്കിവയ്ക്കുമെന്ന് സാമുദ്രിക മേഖലയിൽ ആഗോളതലത്തിലെ മുൻനിരസ്ഥാപനമായ ഏരീസ് ഗ്രൂപ്പ് .അച്ചടക്കവും കൃത്യനിഷ്ഠയും കൂടുതൽ ആവശ്യമുള്ള മേഖലയെന്ന നിലയിൽ സൈനിക പരിശീലനം ലഭിച്ചവർ സ്ഥാപനത്തിന് ഗുണകരമാകുമെന്ന വിലയിരുത്തലിനെ തുടർന്നാണ് ഈ തീരുമാനമെന്നും ഏരീസ് ഗ്രൂപ്പ് സ്ഥാപക ചെയർമാനും സി ഇ ഒ യുമായ ഡോ. സോഹൻ റോയ് പറഞ്ഞു.
' ഞങ്ങളുടെ സ്ഥാപനത്തിന്റെ ശരാശരി പ്രായം ഇരുപത്തിഎട്ടിൽ നിലനിർത്തുവാനായി പ്രാഥമിക റിക്രൂട്ട്‌മെന്റ്കൾ ഏകദേശം ഇരുപത്തിയഞ്ച് വയസ്സിന് താഴെയായാണ് ഞങ്ങൾ നിജപ്പെടുത്തിയിരിക്കുന്നത്.ഇന്ത്യയിൽ നിന്നുള്ള ജീവനക്കാരാണ് ഇപ്പോൾ സ്ഥാപനത്തിൽ കൂടുതലുള്ളത്. പ്രോജക്ടുകൾ യഥാർത്ഥ സമയം പൂർത്തിയാക്കണമെങ്കിൽ സ്വാഭാവിക അച്ചടക്കം, കൃത്യനിഷ്ഠ, ശാരീരികക്ഷമത എന്നീ ഗുണങ്ങൾ ഞങ്ങളുടെ ജീവനക്കാർക്ക് ഉണ്ടാകേണ്ടത് നിർബന്ധമാണ്. അഗ്‌നിപഥ് സ്‌കീം പ്രകാരമുള്ള നാലുവർഷത്തെ സൈനിക സേവനം പൂർത്തിയാക്കുന്ന ചെറുപ്പക്കാർക്ക് ഈ ഗുണങ്ങളെല്ലാം ഉണ്ടാവുമെന്ന് ഞങ്ങൾ പ്രതീക്ഷിക്കുന്നു .ഇങ്ങനെ,വളരെ ആലോചിച്ചു തന്നെയാണ് ഈ ഒരു തീരുമാനത്തിലേക്ക് ഞങ്ങൾ എത്തിയത്. ആദ്യ ബാച്ചിൽപ്പെട്ടവരുടെ പ്രകടനം വിലയിരുത്തിയ ശേഷം ഇപ്പോൾ നിശ്ചയിച്ചിരിക്കുന്ന പത്ത് ശതമാനം എന്ന ഈ പരിധി ആവശ്യമെങ്കിൽ ഉയർത്തുവാനും തീരുമാനിച്ചിട്ടുണ്ട്. . അഗ്‌നിവീരന്മാർക്ക് ഇത്തരത്തിലുള്ള നിശ്ചിത ശതമാനം തൊഴിൽ സംവരണം ഉറപ്പു നൽകിക്കൊണ്ട് പ്രഖ്യാപനം നടത്തിയ ആദ്യത്തെ മൾട്ടി നാഷണൽ കമ്പനിയും ഒരുപക്ഷേ ഞങ്ങളുടേത് ആയിരിക്കും ' അദ്ദേഹം പറഞ്ഞു.
ആഗോള സാമൂദ്രിക വ്യവസായമേഖലയിലെ അഞ്ചു വിഭാഗങ്ങളിൽ ലോകത്തിലെ ഒന്നാം നമ്പർ സാധനം അലങ്കരിക്കുന്ന സ്ഥാപനമാണ് ഏരിസ് ഗ്രൂപ്പ് . പത്ത് വിഭാഗങ്ങളിൽ ഗൾഫ് മേഖലയിലെ ഒന്നാംസ്ഥാനവുമുണ്ട്. പതിനേഴ് രാജ്യങ്ങളിലായി അൻപത്തിയേഴ് കമ്പനികളാണ് ഗ്രൂപ്പിലുള്ളത്.
ജീവനക്കാർക്കായി ഒട്ടേറെ സാമൂഹിക പ്രതിബദ്ധതാ പദ്ധതികളും സ്ഥാപനം നടപ്പിലാക്കിയിട്ടുണ്ട് . മൂന്നു വർഷം പൂർത്തിയാക്കിയ എല്ലാ ജീവനക്കാരുടെയും മാതാപിതാക്കൾക്ക് പെൻഷൻ,ജീവനക്കാരുടെ വീട്ടുജോലി ചെയ്യുന്ന ഭാര്യമാർക്ക് ശമ്പളം , അൻപത് ശതമാനം ലാഭവിഹിതം ജീവനക്കാർക്ക് വിതരണം ചെയ്യുന്ന പദ്ധതി , ജീവനക്കാരുടെ അപ്രതീക്ഷിത വിയോഗത്തിൽ അവരുടെ രക്ഷിതാക്കൾക്ക് നൽകുന്ന സാമ്പത്തിക സുരക്ഷ,വിദ്യാഭ്യാസ അലവൻസുകൾ, മുതിർന്ന ജീവനക്കാർക്ക് വീട്, ജീവനക്കാരുടെ കുട്ടികളുടെ വിദ്യാഭ്യാസത്തിനുള്ള സ്‌കോളർഷിപ്പുകൾ, പ്രതിഭാസമ്പത്ത് വർദ്ധിപ്പിക്കാനുള്ള പരിശീലനം, ജീവനക്കാരുടെ സന്തോഷം ലക്ഷ്യമാക്കിയുള്ള പ്രത്യേക ഹാപ്പിനെസ്സ് ഡിപ്പാർട്‌മെന്റ് തുടങ്ങിയവ അവയിൽ ചിലതാണ്.ഇതോടൊപ്പം തന്നെ, പ്രകൃതി ദുരന്തങ്ങളിൽ പെട്ട് ജീവിതം നഷ്ടമായവർക്കുള്ള പുനരധിവാസ പ്രവർത്തനങ്ങൾ, പിന്നോക്ക മേഖലകളിലെ വിദ്യാലയങ്ങളുടെ നടത്തിപ്പ്, സാമ്പത്തികമായി തകർന്ന കുടുംബങ്ങളിൽ നിന്നുള്ള വിദ്യാർത്ഥികൾക്കുള്ള സ്‌കോളർഷിപ്പ് എന്നിങ്ങനെ പൊതുവായ സാമൂഹികക്ഷേമ പ്രവർത്തികളും ഏരീസ് ഗ്രൂപ്പ് ഏറ്റെടുത്തു നടത്തി വരുന്നുണ്ട്.
കൂടുതൽ വിവരങ്ങൾക്ക് സന്ദർശിക്കുക www.ariesgroupglobal.com
