കോഴിക്കോട്: പിഞ്ചുകുഞ്ഞിനെ ബക്കറ്റിൽ വീണ് മരിച്ച നിലയിൽ കണ്ടെത്തി. പേരാമ്പ്ര കടിയങ്ങാട് ഈർപ്പാ പൊയിൽ ഗിരീഷ് അജ്ഞലി ദമ്പതികളുടെ ഒരു വയസ്സും മൂന്നു മാസവും പ്രായമായ മകൻ ശബരിയാണ് ഒരു ബക്കറ്റ് വെള്ളത്തിൽ യാത്രയായത്. കുട്ടിയെ ഉറക്കിക്കിടത്തി അമ്മ തുണ് അലക്കാൻ പോയപ്പോഴാണ് സംഭവം. തുണിയലക്കി തിരിച്ചെത്തിയ അഞ്ജലി കാണുന്നത് കുളിമുറിയിലെ ബക്കറ്റിൽ വീണുകിടക്കുന്ന കുട്ടിയെയാണ്. ഉടൻ പേരാമ്പ്ര താലൂക്ക് ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.

ഇന്നലെ രാവിലെ 10.30നാണ് ദാരുണ സംഭവം. പേരാമ്പ്ര പൊലീസ് ഇൻക്വസ്റ്റ് നടത്തി മൃതദേഹം പോസ്റ്റ്‌മോർട്ടത്തിനായി കോഴിക്കോട് മെഡിക്കൽ കോളജ് മോർച്ചറിയിലേക്കു മാറ്റി. ഗിരീഷ് വിദേശത്താണ്. തേജ ലക്ഷ്മി, വേദ ലക്ഷ്മി എന്നിവരാണ് ശബരിയുടെ മൂത്ത സഹോദരങ്ങൾ.