മലപ്പുറം പെരുവഴിയമ്പലത്ത് കഞ്ചാവുമായി യുവാവ് പിടിയിൽ

മലപ്പുറം: പെരുവഴിയമ്പലത്ത് കഞ്ചാവുമായി നാട്ടുകാരനായ യുവാവ് പിടിയിൽ. വിദ്യാർത്ഥികൾക്കിടയിൽ വിതരണം ചെയ്യാനെത്തിച്ച 50 ഗ്രാം കഞ്ചാവാണ് ഇയാളിൽ നിന്ന് പിടിച്ചെടുത്തത്. പെരുവഴിയമ്പലം ദേശത്ത് തൊമ്മിൽ പടിഞ്ഞാറയിൽ ഒറ്റയിൽ വീട്ടിൽ മുഹമ്മദ് ആഷിഖിനെ എക്സൈസ് സംഘമാണ് അറസ്റ്റ് ചെയ്തത്.

ചെറിയ പൊതികളാക്കിയാണ് ഇയാൾ കഞ്ചാവ് സൂക്ഷിച്ചിരുന്നത്. വിദ്യാർത്ഥികൾക്കടക്കം കഞ്ചാവ് വിതരണം ചെയ്യുന്ന കണ്ണിയിലെ പ്രധാന ആളാണ് ഇയാളെന്നും അന്വേഷണത്തിൽ പ്രതിയിൽ നിന്നും കഞ്ചാവ് വില്പന സംബന്ധിച്ച് കൂടുതൽ വിവരങ്ങൾ ലഭിച്ചിട്ടുണ്ടെന്നും കൂടുതൽ അന്വേഷണം നടക്കുന്നതായും എക്സ്സൈസ് സർക്കിൾ ഇൻസ്പെക്ടർ ജിജോ ജോസ് പറഞ്ഞു.

പ്രിവന്റീവ് ഓഫീസർമാരായ സുനിൽകുമാർ എസ്, പ്രദീപ് കുമാർ കെ, സിവിൽ എക്സ്സൈസ് ഓഫീസർമാരായ പി ധനേഷ്, എസ് കണ്ണൻ, സി അരുൺ രാജ്, ഡ്രൈവർ എം പ്രമോദ് എന്നിവരടങ്ങിയ സംഘമാണ് പ്രതിയെ പിടികൂടിയത്.