മൂവാറ്റുപുഴ: പൊലീസുദ്യോഗസ്ഥരെ ആക്രമിച്ച് ഔദ്യോഗിക കൃത്യനിർവ്വഹണം തടസ്സപ്പെടുത്തിയ കേസിൽ ഒരാൾ പിടിയിൽ. ഈസ്റ്റ് മാറാടി പുള്ളോർ കുടിയിൽ വീട്ടിൽ വിഷ്ണു വിജയൻ (26 ) നെയാണ് കല്ലൂർക്കാട് പൊലീസ് അറസ്റ്റ് ചെയ്തത്. കഴിഞ്ഞ 24 ന് ആണ് സംഭവം.

കല്ലൂർക്കാട് കടുക്കാഞ്ചിറ ഭാഗത്ത് ഇയാൾ ബഹളമുണ്ടാക്കിയതിനെ തുടർന്ന് അറസ്റ്റ് ചെയ്യാനെത്തിയ പൊലീസുദ്യോഗസ്ഥരെയാണ് ആക്രമിച്ചത്. എസ്‌ഐ അബൂബക്കർ സിദ്ദിഖ്, അനിൽകുമാർ എന്നിവർക്കാണ് പരിക്കേറ്റത്. പ്രതിയെ അറസ്റ്റ് ചെയ്ത സംഘത്തിൽ സബ്ബ് ഇൻസ്‌പെക്ടർ ടി.കെ മനോജ്, എ എസ് ഐ എഡിസൺ മാത്യൂ എസ് സി പി ഒ എം.എൻ.ബിനു, സി പി ഒമാരായ ജിൻസൺ, സാന്റൂ, ബോബി എന്നിവരുണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാഡ് ചെയ്തു