ഒരു വർഷത്തിനിടെ പെട്രോളിന് 78 തവണ വില വർധിച്ചു; ഡീസലിന് 76 തവണയും; കണക്കുകൾ വ്യക്തമാക്കി കേന്ദ്രം

ന്യൂഡൽഹി: 2021-2022 വർഷത്തിൽ രാജ്യത്ത് 78 തവണ പെട്രോളിനും 76 തവണ ഡീസലിനും വില വർധിച്ചുവെന്ന് കേന്ദ്രസർക്കാർ പാർലമെന്റിൽ. ആം ആദ്മി പാർട്ടി എംപിയായ രാഘവ് ചദ്ദയുടെ ചോദ്യത്തിന് കേന്ദ്രമന്ത്രി രാമേശ്വർ തെലിയാണ് രാജ്യസഭയിൽ എഴുതി തയ്യാറാക്കിയ മറുപടി നൽകിയത്.

ജനങ്ങളെ കൊള്ളയടിക്കുന്നുവെന്ന് അംഗീകരിച്ച് കേന്ദ്രം നടത്തിയ യഥാർഥ കുറ്റസമ്മതമാണിതെന്ന് രാഘവ് ചദ്ദ ട്വിറ്ററിൽ കുറിച്ചു. കഴിഞ്ഞയാഴ്ച പാർലമെന്റിന്റെ വർഷകാല സമ്മേളനം ആരംഭിച്ചത് മുതൽ വിലക്കയറ്റത്തിൽ ചർച്ച ആവശ്യപ്പെട്ട് പ്രതിപക്ഷം പ്രതിഷേധിക്കുന്നുണ്ട്.