ഓസ്ട്രേലിയയൻ വിമാനത്താവളങ്ങളിൽ നിന്നും യാത്രക്കൊരുങ്ങുന്നവർക്ക് കൂടുതൽ കാലതാമസം നേരിട്ടേക്കാമെന്ന് മുന്നറിയിപ്പ്. കാരണം ലഗേജ് കൈകാര്യം ചെയ്യുന്നവർ നിർദിഷ്ട ശമ്പളം വെട്ടിക്കുറയ്ക്കുന്നതും വ്യവസ്ഥകളെക്കുറിച്ചുള്ള ആശങ്കകളും കാരണം പണിമുടക്കിനൊരുങ്ങുന്നുവെന്ന സൂചനകളാണ് പുറത്ത് വരുന്നത്.
എമിറേറ്റ്സിന്റെ ഉടമസ്ഥതയിലുള്ള ഗ്രൂപ്പായ Dnata (ദുബൈ നാഷണൽ എയർ ട്രാവൽ ഏജൻസി) യുടെ ഗ്രൗണ്ട് ക്രൂ ചൊവ്വാഴ്ച വ്യാവസായിക നടപടികളിലേക്കുള്ള അവരുടെ ആദ്യ ചുവടുവെപ്പ് നടത്തി. സമര നടപടിയിൽ വോട്ടെടുപ്പ് നടത്താൻ ഫെയർ വർക്ക് കമ്മീഷനിൽ അപേക്ഷിച്ചു.ക്വാണ്ടാസ്, എമിറേറ്റ്സ്, ഇത്തിഹാദ്, സിംഗപ്പൂർ എയർലൈൻസ് എന്നിവയുൾപ്പെടെ 20 എയർലൈനുകൾ വരെ പണിമുടക്കിൽ പങ്കാളികളാകുമെന്നാണ് സൂചന.
സമരം നടത്തിയാൽ തുടരുകയാണെങ്കിൽ സിഡ്നി, മെൽബൺ, ബ്രിസ്ബേൻ വിമാനത്താവളങ്ങളിലെ അന്താരാഷ്ട്ര സർവീസുകളെ ബാധിച്ചേക്കാം,ഇത് ഇതിനകം തന്നെ സമ്മർദ്ദത്തിലായിരിക്കുന്ന വിമാനത്താവള സംവിധാനങ്ങളെ കൂടുതൽ കാലതാമസം വരുത്താൻ സാധ്യതയുണ്ട്.സിഡ്നി വിമാനത്താവളത്തിൽ വിമാനം റദ്ദാക്കലും കാലതാമസവും ഉണ്ടായതിനാൽ തിങ്കളാഴ്ച ആഭ്യന്തര ടെർമിനലിന് പുറത്ത് വരെ ക്യൂകൾ നീണ്ട കാഴ്‌ച്ച കാണാമായിരുന്നു. കാലതാമസം നിലനിൽക്കുന്നതിനാൽ സിഡ്നി വിമാനത്താവളം ലോകത്തിലെ ഏറ്റവും മോശം സ്ഥാനത്താണ്.
