ഗുജറാത്ത് വിഷ മദ്യ ദുരന്തത്തിൽ മരണം 37 ആയി; നിരവധി പേർ ഗുരുതരാവസ്ഥയിൽ ചികിത്സയിൽ

അഹമ്മദാബാദ്: ഗുജറാത്തിലുണ്ടായ വിഷമദ്യ ദുരന്തത്തിൽ മരണം 37 ആയി. നിരവധി പേർ ഗുരുതരാവസ്ഥയിൽ ചികിത്സയിലാണ്. വിഷമദ്യം ഒഴുകുന്നുണ്ടെന്ന് രേഖാമൂലം പരാതി നൽകിയിട്ടും അതെല്ലാം പൊലീസ് അവഗണിച്ചതാണ് വൻ ദുരന്തത്തിലേക്ക് നയിച്ചത്.

സംഭവത്തിൽ 14 പേർക്കെതിരെ എഫ്‌ഐആർ രജിസ്റ്റർ ചെയ്തിട്ടുണ്ട്. ഇതിൽ മിക്കവരെയും അറസ്റ്റ് ചെയ്തു കഴിഞ്ഞു. ഗുജറാത്ത് തീവ്രവാദി വിരുദ്ധ സ്‌ക്വാഡും അഹമ്മദാബാദ് ക്രൈം ബ്രാഞ്ചും ചേർന്നാണ് അന്വേഷണം നടത്തുന്നത്.