വീണ്ടും മേഘവിസ്‌ഫോടനം; അമർനാഥിന് സമീപം മിന്നൽ പ്രളയം

ന്യൂഡൽഹി: മേഘവിസ്ഫോടനത്തെ തുടർന്ന് തീർത്ഥാടന കേന്ദ്രമായ അമർനാഥിന് സമീപം മിന്നൽ പ്രളയം. നാലായിരത്തോളം തീർത്ഥാടകരെ മാറ്റി. സ്ഥലത്ത് രക്ഷാപ്രവർത്തകരെ വിന്യസിച്ചിട്ടുണ്ട്. മരണമോ പരിക്കുകളോ റിപ്പോർട്ട് ചെയ്തിട്ടില്ല.

രണ്ടാഴ്ചയ്ക്ക് മുൻപ് 15 പേർ മരണപ്പെട്ട മേഘവിസ്ഫോടനം ഉണ്ടായത് ഇതേ മേഖലയിലാണ്. സ്ഥലത്ത് ഇന്നലെ മുതൽ കനത്ത മഴ തുടരുകയാണ്. പ്രതികൂല കാലാവസ്ഥയെ തുടർന്ന് അമർനാഥ് തീർത്ഥാടന യാത്ര താൽക്കാലികമായി നിർത്തിവെച്ചിരിക്കുകയാണ്.