'ഞാനാരാണെന്ന് അറിയാമോ' യെന്ന് നരേന്ദ്ര മോദി; 'അറിയാം, നിങ്ങളാണ് മോദി ജി; നിങ്ങളെ എല്ലാ ദിവസവും ടിവിയിൽ കാണാറുണ്ട്'; ലോക്‌സഭയിൽ ജോലി ചെയ്യുന്നുവെന്നും കുഞ്ഞ് ആഹാന; പിന്നാലെ ചോക്ലേറ്റ് സമ്മാനം
ന്യൂഡൽഹി: 'ഞാനാരാണെന്ന് അറിയാമോ' എന്ന് അഞ്ച് വയസ്സുകാരിയോട് പ്രധാനമന്ത്രി നരേന്ദ്ര മോദിയുടെ ചോദ്യം. പിന്നാലെ മറുപടിയെത്തി 'അറിയാം, നിങ്ങളാണ് മോദി ജി, നിങ്ങളെ എല്ലാ ദിവസവും ടിവിയിൽ കാണാറുണ്ട്'. മധ്യപ്രദേശിൽ നിന്നുള്ള ബിജെപി എംപി അനിൽ ഫിറോജിയയുടെ മകൾ അഹാന ഫിറോജിയയോടായിരുന്നു പ്രധാനമന്ത്രിയുടെ ചോദ്യം.
കുടുംബവുമൊത്ത് പ്രധാനമന്ത്രിയെ കാണാൻ പാർലമെന്റിൽ എത്തിയപ്പോഴാണ് രസകരമായ സംഭവമുണ്ടായത്. പ്രധാനമന്ത്രിയുടേയും മോദിയെ കാണാനെത്തിയ എട്ട് വയസ്സുകാരി ആഹാനയുടേയും സംസാരം അൽപനേരം പാർലമെന്റ് അംഗങ്ങൾക്കും കൗതുകം പകർന്നു.
आज का दिन अविस्मरणीय है।
- Anil Firojiya (@bjpanilfirojiya) July 27, 2022
विश्व के सर्वाधिक लोकप्रिय नेता, देश के यशस्वी प्रधानमंत्री, परम आदरणीय श्री @narendramodi जी से आज सपरिवार मिलने का सौभाग्य मिला, उनका आशीर्वाद और जनता की नि:स्वार्थ सेवा का मंत्र प्राप्त हुआ। pic.twitter.com/FYHY2SqgSp
'ഞാൻ എന്താണ് ചെയ്യുന്നതെന്ന് അറിയാമോ'യെന്ന പ്രധാനമന്ത്രിയുടെ ചോദ്യത്തിനും കുട്ടി മറുപടി നൽകി. 'നിങ്ങൾ ലോക്‌സഭയിൽ ജോലി ചെയ്യുന്നു' ഇതായിരുന്നു മറുപടി. ഇതുകേട്ട് പ്രധാനമന്ത്രിയും കേട്ടുനിന്ന മറ്റുള്ളവരും ചിരിച്ചു. ചോക്ലേറ്റ് സമ്മാനമായി നൽകിയാണ് പ്രധാനമന്ത്രി അഹാനയെ യാത്രയാക്കിയത്.
