ഷിക്കാഗോ: അമേരിക്കയിൽ ഇപ്പോൾ സന്ദർശനം നടത്തുന്ന പ്രശസ്ത കർണാടിക് സംഗീത വിദഗ്ധൻ 'പാടും പാതിരി' എന്നറിയപ്പെടുന്ന റവ ഡോ പോൾ പൂവത്തിങ്കൽ നയിക്കുന്ന ഗാനമേള ജൂലൈ 31 ന് ഞായറാഴ്ച വൈകുന്നേരം 5:30 ന് ഷിക്കാഗോ ബെൽവുഡ് മാർ തോമാശ്ലീഹാ കത്തീഡ്രൽ ഹാളിൽ നടക്കും.

ഷിക്കാഗോ രൂപതയുടെ നിയുക്ത ബിഷപ്പ് അഭിവന്ദ്യ മാർ ജോയ് ആലപ്പാട്ട് പരിപാടി ഉദ്ഘാടനം ചെയ്യും. അതിഥികളെ സ്വാഗതം ചെയ്ത്കൊണ്ടുള്ള കുട്ടികളുടെ സംഘനൃത്തത്തിന് ശേഷം കച്ചേരി ആരംഭിക്കും. ഈ ഫണ്ട് റേസിങ് ഡിന്നർ പരിപാടിക്ക് പ്രവേശനം സൗജന്യമായിരിക്കുമെന്ന് ഫാ പോൾ അറിയിച്ചു.

തൃശ്ശൂരിൽ ഫാ പോൾ ആരംഭിക്കുന്ന ആരംഭിക്കുന്ന ഗാനാശ്രമത്തിനുവേണ്ടി സംഭാവനകൾ തദവസരത്തിൽ സ്വീകരിക്കുമെന്ന് പ്രോഗ്രാം കമ്മിറ്റി അറിയിച്ചു. കൂടുതൽ വിവരങ്ങൾക്ക്: പ്ലസ് വൺ (773) 6202484.