ലുഫ്താൻസ എജിയും ലേബർ യൂണിയൻ വെർഡിയും ഒരു ദിവസത്തെ പണിമുടക്കിന് ശേഷം കമ്പനിയുടെ 20,000 ഗ്രൗണ്ട് ക്രൂവിനുള്ള വേതന കരാറിൽ ഒപ്പുവച്ചതോടെ വരാനിരിക്കുന്ന പണിമുടക്ക് ഒഴിവായി.ലുഫ്താൻസ ജീവനക്കാർ കഴിഞ്ഞയാഴ്ച സമരം പ്രഖ്യാപിച്ച് രംഗത്തെത്തിയിരുന്നു. ഇതോടെ യൂണിയനും കമ്പനിയും തമ്മിൽ നടത്തിയ ചർച്ചയിൽ പുതിയ കരാറിൽ എത്തുകയായിരുന്നു.
വ്യാഴാഴ്ച അവസാനം പ്രഖ്യാപിച്ച ഇടപാടിൽ അടുത്ത വർഷം അവസാനം വരെ മൂന്ന് ഘട്ടങ്ങളിലായി പ്രതിമാസ ശമ്പള വർദ്ധനവ് ഉൾപ്പെടുന്നു.ചെക്ക്-ഇൻ ജീവനക്കാർക്ക് 13.6% മുതൽ 18.4% വരെ കൂടുതൽ ശമ്പളം ലഭിക്കും. ഇത് ഉയർന്ന ഊർജ്ജ ബില്ലുകൾ നേരിടാൻ തൊഴിലാളികളെ സഹായിക്കുന്നു.
പണിമുടക്കിന്റെ ഫലമായി ഏകദേശം 1000 വിമാനങ്ങൾ റദ്ദാക്കപ്പെട്ടിരുന്നുഒരു ദിവസത്തെ പണിമുടക്ക് കുറഞ്ഞത് 26 ദശലക്ഷം യൂറോയുടെ എയർലൈൻ നഷ്ടങ്ങൾക്ക് കാരണമായി.
പക്ഷേ, അവധിക്കാലം ആഘോഷിക്കുന്നവർക്ക് ഇപ്പോഴും മോശം കാലമാണ്. പൈലറ്റുമാരുടെയും (കോക്ക്പിറ്റ്) ഫ്‌ളൈറ്റ് അറ്റൻഡന്റുമാരുടെയും (UFO) യൂണിയനുകളും ഉയർന്ന വേതനം ആവശ്യപ്പെട്ട് രംഗത്തെത്തിയിട്ടുണ്ട്.
