അനധികൃതമായി പശുവിനെ കടത്താൻ ശ്രമം; പ്രതിയെ പിടികൂടുന്നതിനിടെ പൊലീസുകാരനു പരിക്കേറ്റു

കത്വ: ജമ്മു കശ്മീരിലെ ചക് ഗോട്ടയിൽ അനധികൃതമായി പശുവിനെ കടത്താൻ ശ്രമിച്ച പ്രതിയെ പിടിക്കൂടുന്നതിനിടയിൽ പൊലീസ് ഉദ്യോഗസ്ഥനു പരിക്കേറ്റു. പൊലീസ് സംഘത്തിനു നേരെ ഒരു സംഘം ആളുകൾ കല്ലെറിഞ്ഞിരുന്നു. കല്ലേറിലാണ് പൊലീസുകാരന് പരിക്കേറ്റത്.

കുറ്റവാളിയെ പിടിക്കൂടുന്നതിനിടയിൽ സ്വരക്ഷയ്ക്കായി പൊലീസുകാരൻ വെടിയുതിർത്തു. പശുവിനെ കടത്താൻ ശ്രമിച്ച പ്രതിയെ കസ്റ്റഡിയിൽ എടുത്തതായും മറ്റു നാലു പേർക്കെതിരെ കേസ് രജിസ്റ്റർ ചെയ്തതായും ലഖൻപൂർ പൊലീസ് വ്യക്തമാക്കി. അക്രമികൾക്കായി തിരച്ചിൽ തുടരുകയാണെന്നും പൊലീസ് അറിയിച്ചു.