പ്രവാസി മലയാളി കടയ്ക്കുള്ളിൽ മരിച്ച നിലയിൽ; മരിച്ചത് വർക്കല സ്വദേശി ; മൃതദേഹം കണ്ടെത്തിയത് നൂത്തിൽ സൂപ്പർ മാർക്കറ്റിൽ

മസ്‌കറ്റ്: ഒമാനിൽ പ്രവാസി മലയാളിയെ മരിച്ച നിലയിൽ കണ്ടെത്തി. തിരുവനന്തപുരം വർക്കല സ്വദേശിയായ ഷാം ജലാലുദ്ദീനെയാണ് സലാലയിലെ കടക്കുള്ളിൽ മരിച്ച നിലയിൽ കണ്ടെത്തിയത്. ബുധനാഴ്ച രാവിലെയാണ് സംഭവം.

സഹൽ നൂത്തിൽ സൂപ്പർ മാർക്കറ്റ് നടത്തി വരികയായിരുന്നു അദ്ദേഹം. പിതാവ്: ജലാലുദ്ദീൻ, മാതാവ്: ഹലീമ ബീവി, ഭാര്യ: ഷലഫാം. മൃതദേഹം സലാല ഖാബൂസ് ആശുപത്രിയിൽ സൂക്ഷിച്ചിരിക്കുകയാണ്. നടപടിക്രമങ്ങൾ പൂർത്തിയാക്കി മൃതദേഹം നാട്ടിലേക്ക് അയയ്ക്കും.