ഡബ്ലിൻ: അയർലന്റിൽ ഇന്ത്യൻ വിദ്യാർത്ഥിക്ക് നേരെ വംശീയ ആക്രമണം. കഴിഞ്ഞ ദിവസം രാത്രി 8.30ഓടെ ട്രാമിൽ വച്ചാണ് അതിക്രൂരമായ മർദ്ദനമേറ്റത്. ക്ലാസു കഴിഞ്ഞ് വീട്ടിലേക്ക് മടങ്ങുകയായിരുന്ന യുവാവിനെ പത്തോളം യുവാക്കൾ ചേർന്ന് ആദ്യം വാക്കുകളാൽ അധിക്ഷേപിക്കുകയും പിന്നാലെ സഗ്ഗാർട്ട് എന്ന സ്റ്റോപ്പിൽ ഇറങ്ങിയപ്പോൾ ക്രൂരമായി മർദ്ദിക്കുകയും ആയിരുന്നു.

പരിക്കേറ്റ യുവാവിന്റെ ശരീരത്തിൽ നിന്നും രക്തം വാർന്നൊഴുകുകയും മുഖം നീരുവച്ചു വീർക്കുകയും അസഹ്യമായ വേദനയും യുവാവ് അനുഭവിക്കുകയായിരുന്നു. ഇത്തരമൊരു സംഭവം ആദ്യമായിട്ടല്ല, മൈക്കൽ ഒകീഫിനെപ്പോലുള്ള വംശീയ ഹാൻഡിലുകൾ ദിനംപ്രതി ഇത്തരം പോസ്റ്റുകൾ പങ്കുവെക്കുന്നുണ്ട്. വംശീയ വെറിയരായ ആളുകൾ നിരന്തരം ഇന്ത്യക്കാർ അടക്കമുള്ളവർക്കു മേലിലേക്ക് ആക്രമണം അഴിച്ചു വിടുകയാണ്. മൈക്കൽ ഒകീഫിന്റെ അത്തരമൊരു ട്വീറ്റിന്റെ ലിങ്കും കുറിപ്പിനോടൊപ്പം നിവേദിത ശുക്ല പങ്കുവച്ചിട്ടുണ്ട.

മൈക്കൽ ഒകീഫിനെ പോലുള്ളവരുടെ പോസ്റ്റുകൾ ദയവായി റിപ്പോർട്ട് ചെയ്യുക എന്നഭ്യർത്ഥിച്ചുകൊണ്ടാണ് നിവേദിതയുടെ പോസ്റ്റ്.