അജ്മാൻ: യൂ എ ഇ യിലുള്ള തൃശൂർ ജില്ലക്കാരായ പടിയൂർ പഞ്ചായത്ത് നിവാസികളുടെ കൂട്ടായ്മയായ എടതിരിഞ്ഞി വെൽഫെയർ അസ്സോസിയേഷൻ - യു എ ഇ യുടെ 12 മത് വാർഷികവും ഓണാഘോഷവും ഇന്ത്യൻ സോഷ്യൽ സെന്റർ അജ്മാനിൽ നടന്നു.

പ്രശസ്ത ചിത്രകല കലാകാരൻ ഡാവിഞ്ചി സുരേഷ്, ഇന്ത്യൻ സോഷ്യൽ സെന്റർ പ്രസിഡന്റ് ജാസ്സിം മുഹമ്മദ്, EWA -UAE പ്രസിഡന്റ് ബിജിത്ത് എടച്ചാലി, സെക്രട്ടറി രിതേഷ് കോറാത്ത്, ആർട്‌സ് സെക്രട്ടറി ദിനേശ് കണ്ടെങ്കാട്ടിൽ, മീഡിയ ഹെഡ് ദീപക് പുരയാറ്റ് എന്നിവർ ഭദ്രദീപം കൊളുത്തി തുടങ്ങിയ ഓണാഘോഷം മാവേലി വരവേൽപ്പും, ഘോഷയാത്ര, പുലിക്കളി, നൃത്തനൃർത്യങ്ങൾ, സിനിമാറ്റിക് ഡാൻസ്, വിഭവസമൃദ്ധമായ ഓണസദ്യയും, നാടൻ പാട്ടുകളുടെ രാജകുമാരി പ്രസീത ചാലക്കുടി നാടൻ പാട്ടുകളാൽ സദസ്സിന് വിസ്മയം തീർത്തു. തുടർന്ന് കരോക്കെ ഗാനമേളയും അരങ്ങേറി.