ബെംഗളൂരു: പ്രളയത്തിൽ വലയുന്ന ജനങ്ങളുടെ ദുരിതമടക്കം വിശകലനം ചെയ്യാനും സത്വര നടപടികൾ സ്വീകരിക്കാനും വിളിച്ചുചേർത്ത യോഗത്തിനിടെയിലും ഉറങ്ങുന്ന കർണാടക മന്ത്രിയുടെ ചിത്രം പുറത്ത്. മന്ത്രി ആർ.അശോക ഉറങ്ങുന്നതിന്റെ ചിത്രം കർണാടക കോൺഗ്രസാണ് പുറത്തുവിട്ടത്. ''സംസ്ഥാനത്തെ ജനം മഴയിൽ മുങ്ങി. മന്ത്രി ഉറക്കത്തിൽ മുങ്ങിയിരിക്കുകയാണ്'' എന്ന് ചിത്രത്തിനൊപ്പം കർണാടക കോൺഗ്രസ് ട്വീറ്റ് ചെയ്തു.

തിങ്കളാഴ്ച മുഖ്യമന്ത്രി ബസവരാജ് ബൊമ്മെയുടെ നേതൃത്വത്തിൽ നടന്ന പ്രളയ അവലോകന യോഗത്തിന്റെ ചിത്രങ്ങൾ ആർ.അശോകയും പങ്കുവച്ചിരുന്നു. തുടർച്ചയായി പെയ്യുന്ന കനത്ത മഴയിൽ ബെംഗളൂരു ഉൾപ്പെടെ കർണാടകയിലെ പല ജില്ലകളും പ്രളയ സമാന സാഹചര്യം നേരിടുകയാണ്. ബെംഗളൂരുവിലെ വെള്ളപ്പൊക്കം നേരിടാൻ 300 കോടി രൂപ അനുവദിക്കാൻ സർക്കാർ തീരുമാനിച്ചതായി ബൊമ്മെ അറിയിച്ചു.

ന്യൂസ് ഡെസ്‌ക്‌

    ന്യൂസ് ഡെസ്‌ക്‌