ഡെറാഢൂൺ: കുതിരസവാരിക്ക് സമാനമായി കാളപ്പുറത്തുകയറി അതിവേഗത്തിൽ റോഡിലൂടെ കുതിച്ചുപാഞ്ഞ സംഭവത്തിൽ യുവാവിനെതിരെ കേസെടുത്തു. ഉത്തരാഖണ്ഡിലെ ഋഷികേശിൽ വച്ചായിരുന്നു സംഭവം. മദ്യലഹരിയിൽ കാളപ്പുറത്തുകയറിയാണ് സാഹസികമായ പ്രകടനം യുവാവ് നടത്തിയത്. വീഡിയോ സാമൂഹികമാധ്യമങ്ങളിൽ പ്രചരിപ്പിക്കുന്നതിന് വേണ്ടിയായിരുന്നു യുവാവിന്റെ അതിസാഹസികത.

വീഡിയോ പ്രചരിച്ചതിന് പിന്നാലെ യുവാവിനെതിരെ നിയമനടപടികൾ സ്വീകരിച്ചതായി പൊലീസ് പറഞ്ഞു. യുവാവ് വീഡിയോ വൈറലാക്കുന്നതിനായാണ് മദ്യലഹരിയിൽ കാളപ്പുറത്തേറി അതിവേഗത്തിൽ പാഞ്ഞതെന്ന് പൊലീസ് പറഞ്ഞു. മെയ് അഞ്ചാം തീയതിയായിരുന്നു സംഭവവമെന്നും പൊലീസ് പറഞ്ഞു. യുവാവിനെതിരെ നിയമനടപടി സ്വീകരിച്ചതായും, ഭാവിയിൽ മൃഗങ്ങളെ ഉപയോഗിച്ച് ഇത്തരം സാഹസികതകൾക്ക് ശ്രമിക്കരുതെന്ന് മുന്നറിയിപ്പ് നൽകിയതായും പൊലീസ് അറിയിച്ചു.

കാള അതിവേഗത്തിൽ വരുന്നതുകണ്ട് റോഡിലുള്ളവർ മാറുന്നത് വീഡിയോയിൽ കാണാം. നിരവധി പേർ കാളയോട്ടത്തെ ജെല്ലിക്കെട്ടുമായാണ് താരതമ്യം ചെയ്തത്. നിയമനടപടി സ്വീകരിക്കാൻ തക്കത്തിലുള്ള ഒരു കുറ്റവും യുവാവ് ചെയ്തിട്ടില്ലെന്നുമാണ് വിഡീയോയ്ക്ക് താഴെ പലരുടെയും കമന്റുകൾ.

കാളപ്പുറത്തുകയറി സവാരിയുവാവിനെതിരെ കേസ്

മറുനാടന്‍ മലയാളി

    മറുനാടന്‍ മലയാളി ബ്യൂറോ