നാസിക്കിൽ വീട്ടിലെ കിടപ്പുമുറിയിൽ പുലി; പിടികൂടി വനംവകുപ്പ് ഉദ്യോഗസ്ഥർ

മുംബൈ: മഹാരാഷ്ട്രയിൽ നാസിക്കിൽ വീട്ടിൽ കയറിയ പുലിയെ വനംവകുപ്പ് ഉദ്യോഗസ്ഥർ പിടികൂടി. കിടപ്പുമുറിയിൽ കയറിയ പുലിയെ പിടികൂടി കിടക്കവിരിയിലാക്കി പുറത്തേയ്ക്ക് കൊണ്ടുവരുന്ന ദൃശ്യങ്ങൾ പുറത്തുവന്നു.

നാസിക്കിൽ പുലർച്ചെയാണ് സംഭവം. വീടിന്റെ വാതിൽ തുറന്നുകിടന്ന സമയത്ത് പുലി അകത്തുകയറുകയായിരുന്നുവെന്നാണ് റിപ്പോർട്ടുകൾ. വീട്ടുകാർ വിളിച്ച് അറിയിച്ചത് അനുസരിച്ച് എത്തിയ വനംവകുപ്പ് ഉദ്യോഗസ്ഥരാണ് പുലിയെ പിടികൂടിയത്.