ജോലിക്കു പകരം ഭൂമി കോഴക്കേസിൽ ലാലുവിനെ ചോദ്യം ചെയ്ത് ഇ.ഡി

പട്‌ന: ജോലിക്കു പകരം ഭൂമി കോഴക്കേസിൽ ആർജെഡി അധ്യക്ഷൻ ലാലു പ്രസാദ് യാദവിനെ എൻഫോഴ്‌സ്‌മെന്റ് ഡയറക്ടറേറ്റ് (ഇ.ഡി) ചോദ്യം ചെയ്തു. മകൾ മിസാ ഭാരതി എംപിക്കൊപ്പമാണ് ഇ.ഡി ഓഫിസിലേക്കു ലാലു എത്തിയത്. ഡൽഹിയിൽ നിന്നുള്ള ഇഡി ഉദ്യോഗസ്ഥരാണു ലാലുവിനെ ചോദ്യം ചെയ്തത്.

ഇ.ഡി ഓഫിസിനു മുന്നിൽ ലാലുവിനു പിന്തുണയുമായി ആർജെഡി പ്രവർത്തകർ പ്രതിഷേധ പ്രകടനം നടത്തി. ലാലു കേന്ദ്ര റെയിൽവേ മന്ത്രിയായിരിക്കെ നിയമനങ്ങൾക്കു പകരമായി ഉദ്യോഗാർഥികളിൽനിന്നു തുച്ഛവിലയ്ക്കു കുടുംബാംഗങ്ങളുടെയും ആശ്രിതരുടെയും പേരിൽ ഭൂമി എഴുതി വാങ്ങിയെന്നതാണു കേസ്.