ആൽവാർ: മുൻ കേന്ദ്ര മന്ത്രി ജസ്വന്ത് സിങ്ങിന്റെ മരുമകളും കോൺഗ്രസ് നേതാവ് മാനവേന്ദ്ര സിങ്ങിന്റെ ഭാര്യയുമായ ചിത്ര സിങ് വാഹനാപകടത്തിൽ മരിച്ചു. രാജസ്ഥാനിലെ ആൽവാറിന് സമീപമാണ് അപകടമുണ്ടായത്. മൂന്നു പേർക്ക് പരിക്കേറ്റു.

ചിത്ര സിങിനൊപ്പം കാറിൽ മാനവേന്ദ്ര സിങും മകൻ ഹാമിർ സിങ്ങും ഡ്രൈവറുമാണ് ഉണ്ടായിരുന്നത്. പരിക്കേറ്റ ഇവരെ ആശുപത്രിയിൽ പ്രവേശിപ്പിച്ചു. ഡൽഹി-മുംബൈ അതിവേഗപാതയിലാണ് സംഭവം നടന്നത്. കാറിന്റെ മുൻ സീറ്റിൽ മകനും ഡ്രൈവറും പിൻസീറ്റിൽ മാനവേന്ദ്രയും ഭാര്യയുമാണ് യാത്ര ചെയ്തിരുന്നത്. അതിവേഗപാതയിൽ സ്ഥാപിച്ചിരുന്ന സി.സിടിവി കാമറ പ്രവർത്തന രഹിതമായതിനാൽ അപകടത്തിന്റെ യഥാർഥ കാരണം ലഭ്യമല്ല. സംഭവത്തിൽ അന്വേഷണം ആരംഭിച്ചു