പട്‌ന: ബിഹാറിൽ നിതീഷ് കുമാറിന്റെ നേതൃത്വത്തിലുള്ള എൻഡിഎ സർക്കാർ ഭൂരിപക്ഷം തെളിയിച്ചതിന് പിന്നാലെ നിയമസഭാ സ്പീക്കറായി നന്ദ കിഷോർ യാദവിനെ എതിരില്ലാതെ തിരഞ്ഞെടുത്തു. ബിജെപിയുടെ പ്രതിനിധിയായ നന്ദ കിഷോർ യാദവ് ഏഴു തവണ പട്‌ന സാഹിബ് മണ്ഡലത്തിൽനിന്നു നിയമസഭയിലേക്കു വിജയിച്ചു. മന്ത്രിയായും പ്രതിപക്ഷ നേതാവായും പ്രവർത്തിച്ചിട്ടുണ്ട്.

ബിഹാറിൽ നിതീഷ് കുമാറിന്റെ നേതൃത്വത്തിലുള്ള എൻഡിഎ സർക്കാർ അധികാരമേറ്റ ശേഷം ആർജെഡി പ്രതിനിധിയായ അവധ് ബിഹാരി ചൗധരിയെ അവിശ്വാസ പ്രമേയത്തിലൂടെ സ്പീക്കർ സ്ഥാനത്തുനിന്നു നീക്കിയിരുന്നു. സ്പീക്കർ തിരഞ്ഞെടുപ്പിൽ പ്രതിപക്ഷം സ്ഥാനാർത്ഥിയെ നിർത്തിയില്ല.