അടിമാലി; കൂടെ താമസിച്ചിരുന്ന സ്ത്രീയെയും മകനെയും ഉപദ്രവിച്ചതിനെത്തുടർന്നുള്ള വൈരാഗ്യത്തിൽ കാപ്പ കേസിൽപ്പെട്ട് ജയിലിൽ നിന്നിറങ്ങിയ യുവാവ് ഒരാളെ കുത്തികൊലപ്പെടുത്തി. ഇന്നലെ രാത്രി 10.30 തോടടുത്ത് അടിമാലിക്ക് സമീപം കൊരങ്ങാട്ടിയിലാണ് സംഭവം. കൊരങ്ങാട്ടി കട്ടിലാനിക്കൽ സാജൻ (49) ആണ് കൊല്ലപ്പെട്ടത്. സംഭവവുമായി ബന്ധപ്പെട്ട് താലിമാലി കൊല്ലയത്ത് അനീഷി(37)നെ അടിമാലി പൊലീസ് കസ്റ്റഡിയിൽ എടുത്തു.

ഒറ്റയ്ക്ക് താമസിച്ചിരുന്ന സാജനെ അനീഷ് വീടിന്റെ വാതിൽ ചവിട്ടിപ്പൊളിച്ച് അകത്തുകയറി കത്തിക്ക് തുരുതുരാ കുത്തുകയായിരുന്നെന്നാണ് സൂചന. കുത്തേറ്റ സാജൻ തൽകണം മരിച്ചു. വിവരം അറിഞ്ഞ് സ്ഥലത്തെത്തിയ പൊലീസ് സംഘം താമസിയാതെ അനീഷിനെ കസ്റ്റഡിയിൽ എടുക്കുകയായിരുന്നു. മൂന്നുമാസം മുമ്പാണ് കാപ്പാ കേസിൽപ്പെട്ട് ജയിലായിരുന്ന അനീഷ് പുറത്തിറങ്ങിയത്. ഇയാൾക്കൊപ്പം കുറച്ചുകാലമായി ഒരു യുവതിയും കുട്ടിയും താമസിച്ചുവന്നിരുന്നു.

ജയിലിലായിരുന്നപ്പോൾ ഈ കുട്ടിയെയും യുവതിയെയും ഉപദ്രവിച്ചതിലുള്ള വൈരാഗ്യത്തെത്തുടർന്നാണ് അനീഷ് സാജനെ ആക്രമിച്ചതെന്നാണ് പൊലീസ് നടത്തയ പ്രാഥമീക വിവര ശേഖരണത്തിൽ നിന്നും വ്യക്തമായിട്ടുള്ളത്. അടിമാലി പൊലീസ് മേൽനടപടികൾ സ്വീകരിച്ചുവരുന്നു.

പ്രകാശ് ചന്ദ്രശേഖര്‍

    മറുനാടന്‍ മലയാളി ലേഖകന്‍.