കുവൈത്ത് സിറ്റി: കുവൈത്തിൽ പ്രവാസികളായ മലയാളി ദമ്പതിമാർ താമസസ്ഥലത്ത് മരിച്ച നിലയിൽ കണ്ടെത്തിയതിന്റെ ഞെട്ടലിലാണ് നാട്ടിലുള്ള ബന്ധുക്കളും നാട്ടുകാരും. പത്തനംതിട്ട മല്ലശ്ശേരി പൂങ്കാവ് പുത്തേത് പുത്തൻവീട്ടിൽ സൈജു സൈമൺ, ഭാര്യ ജീന എന്നിവരുടെ മൃതദേഹമാണ് താമസിക്കുന്ന കെട്ടിടത്തിലെ വിവിധ സ്ഥലങ്ങളിൽ കണ്ടെത്തിയത്.

കഴിഞ്ഞ വർഷമാണ് ഇവർ വിവാഹിതരായത്. ഇരുവരുടെയും പുനർവിവാഹമായിരുന്നു.
ഭാര്യ ജീനയെ കൊലപ്പെടുത്തി സൈജു സൈമൺ കെട്ടിടത്തിൽ നിന്ന് ചാടി മരിക്കുകയായിരുന്നു എന്ന് മാതൃഭൂമി റിപ്പോർട്ട് ചെയ്തു. വ്യാഴാഴ്ച രാവിലെ സാൽമിയായിലാണ് സംഭവം.

ആദ്യം സൈമണെ കെട്ടിടത്തിൽ നിന്ന് വീണു മരിച്ച നിലയിൽ കണ്ടെത്തിയിരുന്നു. ഇതേ തുടർന്ന് സ്ഥലത്ത് എത്തിയ പൊലീസ് ഉദ്യോഗസ്ഥർ ഇവർ താമസിച്ചിരുന്ന മുറിയുടെ വാതിൽ തുറക്കാൻ ശ്രമിച്ചു. എന്നാൽ റൂം അകത്ത് നിന്ന് പൂട്ടിയ നിലയിലായിരുന്നു. തുടർന്ന് വാതിൽ പൊളിച്ച് അകത്ത് കയറിയ സുരക്ഷാ ഉദ്യോഗസ്ഥർ, യുവതിയെ കുത്തേറ്റു
മരിച്ച നിലയിൽ കണ്ടെത്തുകയായിരുന്നു. 

കുവൈത്ത് ആരോഗ്യ മന്ത്രാലയത്തിൽ ആംബുലൻസ് നഴ്‌സ് ആയി ജോലി ചെയ്തു വരികയായിരുന്നു സൈജു സൈമൺ . സിംസ് സ്‌കൂളിലെ ഐ.ടി ജീവനക്കാരിയാണ് ഭാര്യ ജീന.

ഭാര്യയെ കൊലപ്പെടുത്തിമലയാളി നഴ്‌സ് ജീവനൊടുക്കി

മറുനാടന്‍ മലയാളി

    മറുനാടന്‍ മലയാളി ബ്യൂറോ